Want Wakad Kukatul Milamu

Tukutwish kukudish ni kulam muchim wa kujikitish anch twatongijokin pa yiyukish yetu ni anch twamujikitish Yehova mulong wa yom yiney. Kwikal ni muchim wa kujikitish kukez kutukwash chakwel turisha nich muchim wa kuburen kujikitish ni kupandakan yikokujol. Mufund wetu wa muvu wa 2015 ukez kutuvurish pa chinech muvu wakabuj.

Mutu wa mulong winou umekeshin patok mulong wak tufanyidin kusal chivurikish cha rufu ra Yesu. Mutu winou urumburil chirumburikina dibot ni mar ma nviny ya ku Chivurikish ni ulejen mutapu wa kwijik anch nany ufanyidina ap wakad kufanyin kudia yijingidij yiney. Dilejan dined dikutukwash kand chakwel tumana mutapu tukutwisha kwitenchik mulong wa Yakudia ya Mwant.

Ambay a uruw atijadina arishining nich milong yikash ni yoziu. Pakwez, ku ukwash wa Yehova, chitwishikin kwikal ni uruw uwamp ni usangareshina. Mutu wa mulong wakusambish ukwisambin yom ya muspiritu yitan mulong wa kusal uruw ukash ni ulabina ni yom ya kutung nich yifanyidina kusadil mulong wa kuyitek pamwing. Mutu wakaad ukushinshikin mutapu wa kukasikesh mwikadil wa muspiritu wa uruw.

Ov, chom ik chirumburikina rukat rakin pakach pa ikundj ni mband? Ov, kudi mutapu wa kwikal nich rukat rikash? Ov, mutapu ik ukata rukat riner kumekan? Ileja chitufundishinau kudi Muminy wa Salomon piur pa kwikal nich rukat rikash.