Yakul ku Yipul ya Bibil
Ov, tukez kwikal ni winyikel umwing ukeza kuyikel pa mangand wawonsu?
Ov, mutapu ik ukutwisha winyikel wa mangand kuyitek mu uumwing antu awonsu? ISAY 32:1, 17; 54:13
Tong bil mutapu ukutwisha winyikel kwikal chiyukish kudi antu. Nlel, antu avud amen mar mulong adi atuzwendj, padiau akwau ampich nakash. Pakwez, winyikel ukweta riy wa pa mangand ufanyidin kwikal nich kashinsh anch antu awonsu akwet yom yikwetau nich kuswir. Ov, utongin anch antu akutwish kwikal nich winyikel wa mutapu winou?—Tang Jeremiy 10:23.
Mu rusangu ra muntu, winyikel wakangeny kal mu mitapu yawonsu kuyilam antu atakedilau, pakampwil atuzwendj. Mant mamwing mading ma chisum. (Mulej 4:1; 8:9) Pakwez, Nzamb Mwin Dikand Diawonsu washilamu piur pa winyikel ukeza kuswinkan winyikel wawonsu udiaku. Udi Winyikel ukeza chakin kamu kuwanyish maswir ma antu.—Tang Isay 11:4; Daniel 2:44.
Ov, chom ik chikeza Want wa Nzamb kuwanyish?
Yehova Nzamb watonda kal Nyikel wakin wa ngand—Mwanend Yesu. (Luka 1:31-33) Padingay pa divu, Yesu wayibanginanga antu mulong wa kuyikwash. Mudi Mwant, ukez kuyikumangej antu awonsu ni kuyidioshil mar mawonsu.—Tang Kuseng 72:8, 12-14.
Ov, antu awonsu akumwitiyij Yesu mudi Nyikel? Bwat kwau. Pakwez Yehova ukat kushimpish muchim. (2 Pita 3:9) Ukat kuyinkish antu mutapu wa kumwitiyij Yesu mudi Nyikel. Piswimpap, Yesu ukez kayishesh antu ayimp pa divu ni ukez kutek chisambu ni kwikang pa mangand mawonsu.—Tang Mike 4:3, 4.