Program wa yikumangan ya mudimu

Rubing ra chiwong 10

Muminy 107

Min 10: Yijikish. Yijikish yifanyidina ya Mudimu Wetu wa Want.

Min 15: “Twijikeshany Dijin dia Yehova pa Divu Pawonsu.” Yipul ni yakul. Wejinamu yitongijok ya buku Notre ministère, p. 94-5 piur pa uman wa kukashimun.

Min 20: Kutond Kwetu Kwambatena ni Chijil cha Kwiyokish Wakad Kusadil Mash. (Midimu 15:​28, 29) Kupwa kwa chikumangan, Atuman awonsu in kubabatishiu akuyinkish kart musu “Instructions médicales/Pas de sang”, ni antu akweta an akemp akad kubabatishiu akutambul Kart wa chijiken wa mwan ni mwan. Chifanyidinap kufundap chom ap chimwing katat. Chifanyidin kuchisal nawamp ku chikumbu, pakwez KANGAL kupasinye. Sinyatir wa mwin kart, dijin dia atuman ni machuku ma ngond akuyifund pa makart mawonsu kwisudiel kwa dilejan dia buku dikulondula, nich umutakel wa ntakel’a dilejan dia buku. Kurutu kwa kusinye, chiwapidil kutal anch amwizwishin mwawonsu. Antu atekina sinyatir mud atuman afanyidin kutal anch mwin kart amwinend watekangap kal sinyatir wend. In kulejan akad kubabatishiu akutwish kwifundin ayinau yany yau ni ya anau ni kwambatanish yifundinau pa kart nich mwikadil wau ni yitiyij yau ayinau. Antakel a dilejan dia buku akutal nawamp, anch awonsu adia mu chirund chau cha buku atambwil ukwash usotinau mulong wa kwizwish “Instructions médicales/Pas de sang.”

Muminy 155 ni dilembil dia nsudel.

Rubing ra chiwong 17

Muminy 12

Min 10: Yijikish. Rapor wa chipau.

Min 15: Kalam’a ujindj uchirikidin mukand wa Mwinses 15, 1999 watuminau ku yikumangen yawonsu. Yany yiney yichikwet kand ukwash ni nlel mulong twitinap kand nfalang mulong wa mikand yetu. Yom yitidinau ku komand wa pakampwil yifanyidin kusutin ku chikumangen. Kasikeshin mulong wa kwel anch ronganyin rakin ritwishikin kud awonsu. Yom yitidinau ku komand wa pakampwil yiswiridikinap kwau mulong wa kuyikwash nich antu achidia asu kwikal ni urund uwamp nend Nzamb.

Min 20: “Tusadilany Matrakt Chakwel Kusambish Misamb.” Isambina matrakt manying masadidinau nakash mu teritwar wen. Ipul chipul chakwidilau mu trakt ni trakt. Yita in kutesh alejana mutapu ukutwishau kusadil chipul chakwel kusambish misamb ni anch chitwishikin kusambish dilejan dia Baibel. Salany yakumenaku yimekeshina mutapu ukutwishau kuchisal nich matrakt maad. Mukadivar utakedila chikunku chinech ukukasikeshin anch in kulejan awonsu afanyidin kwilej kusambish misamb nich ukwash wa trakt. Ditenchik dia katat diswapela diambatena nich milambu ditwitin anch twisamba ni antu kurutu kwa kuyit kusend mukand chakwel kujingunin kujimb kwa kusanger kumekeshinau piur pa uruu. Matrakt yidi yom ya mudimu yifanyidina kamu.

Muminy 57 ni dilembil dia nsudel.

Rubing ra chiwong 24

Muminy 110

Min 5 : Yijikish ni jinsangu jamenau mu mudimu wa kulejan.

Min 15: “Tushinshikinany Dizu dia Yehova Dichuku ni Dichuku” Diskur ni misamb ni in kutesh. Kasikesh muntu ni muntu kusadil mutapu uwamp broshir Examinons les Écritures chaque jour​—⁠2000. Jimbul yitongijok yidia mu mazu ma kusambish, p. 3-4. Yita in kulejan kurumbunin mutapu ukatau kusal usu wa pakampwil mulong wa kushinshikin dichuku ni dichuku mufund wa dichuku ni yirumburil yau nich kushishaman muntu ni muntu ipend ni mu dijuku.

Min 25: “Tusadilany Mikand Nich Manangu.” Misamb ya yipul ni yakul yikutakelau kud Kalam’a mudimu. Anch wapwishany kushinshikin paragraf 7, salany yakumenaku yaad ap yisatu yiswimp yirijekinau nawamp yimekeshina mutapu wa kulondul yiyul yimwing yipaninau mu maparagraf 4 kushik ku 7. In kutakel kukumangan kwa chingand awapidil kuchirikin milong yiney pa chisu cha kwirijek mulong wa kubudikin mu mudimu.

Muminy 157 ni dilembil dia nsudel.

Rubing ra chiwong 31

Muminy 16

Min 12: Yijikish. Yivurisha awonsu kutul rapor wau wa mudimu wa ngond wa Chiwong. Lejan mukand wa kupan mu Kasan: buku Bonheur familial. Salany chakumenaku chilejena mutapu ukutwishau kusadil yipul yisatu yidia mu kapalikany pa paj 12 mulong wa kusambish misamb ni muntu.

Min 15: ‘Kushinshikin’ Muntu (Ulikina Kuziyil) Kurumburikin ik? Diskur nend mukurump, piur pa Tour de Garde wa Kafunfut 15, 1999, p. 29-31.

Min 18: Mutapu wa Kuyikwash Akwau Kujingunin Difukwil Diakin. Misamb ya nkwash’a midimu umwing chifuvu ni in kulejan ayifuvu aad ap asatu: chisu chimwing antu ayishimokining Atuman’a Yehova pakwez pakad kutesh nawamp kushalijan kudia pakach pa yifukwil yikwau ni difukwil dietu. Chirikin milong yijim dikum yisambidinau pa paj 20 wa Réveillez-vous! wa Ndol-Mem 8, 1995, p. 20. Rumburil mutapu ukutwisha yitongijok yiney kumukwash muntu ukweta muchim utok kuman kushalijan kudia pakach pa difukwil diakin ni difukwil dia makasu ni kuman usey wa kwilej nau Antu a Yehova ni kunungijan nau.

Muminy 60 ni dilembil dia nsudel.

Rubing ra kasan 7

Muminy 113

Min 8: Yijikish.

Min 17: Milong Yijim ya Buku Prophétie de Daniel. Diskur ni misamb ni in kutesh. Chirikin milong yijim ya buku musu: Pwitin yitongijok ku mitu ya milong ya mashapitre mashimokishina, yifwatul yisangarishina, tupalikany tukweta yipul ya kuchirikin tudia kwisudiel kwa chikunku ni chikunku, makart ni yipich yilejena patok chom chimwing ni chimwing. Chilikej shinshikin kurumburil kukasikeshina kwa mutapu “ukwimanay” Mikael mu mutapu umwing wa pakampwil (p. 289-90). Isambina usey wa kujijaman kwetu chitudia antu afundishina Dizu dia Nzamb (p. 311-12). Etu awonsu tufanyidin kutang buku winou nawamp ni kuyikasikesh antu amekeshina kusanger kusal chilik chimwing.

Min 20: Asala Kutond Kumwing kwa Manangu. Diskur pa dishin dia Tour de Garde wa Mwinkind 15, 1997, p. 19-21, par. 3-16. Lejan mazu ma ayibol atongina anch asadidil mwom wau mutapu umwing usangarishina ni wa ukwash nakash. Kasikesh muntu ni muntu kutongin kusal mudimu wa chibol.

Muminy 182 ni dilembil dia nsudel.