Program wa yikumangan ya mudimu

Rubing ra Rish 13

Muminy 118

Min 10: Yijikish. Yijikish yifanyidina ya Mudimu Wetu wa Want.

Min 15: “Tukakulejanang Rusangu Ruwamp.” Mazu mey ma kusambish nich kangal masut minit umwing, ni shinshikin misamb yiney nich yipul ni yakul. Pan yilikej yiwamp ya milong ya Baibel yikutwisha kupwitin ku buku Connaissance pitumupanina mu chingand.

Min 20: “Ov Ndol 2000 Ukwikal Ngond Wetu Upandakena Kuwap?” (Par. 1-11) Yipul ni yakul. Jimbul kuvul kwa ayibol ankwash adinga mu chikumangen machuku ma kwinyim am. In kulejan amwing adia ayibol alejana ukwash wamedinau ku kujimbish mujikit wau mu chingand. Kasikesh chikumangen kusal usu wa kushiken kand kuvul kukwau kwa ayibol ankwash mwi Ndol. Chirikin milong yifanyidina kuwanyish (chakwel kwikal chibol) yidia mu buku Notre ministère, paj 113-14. In kulejan asotila kusal mudimu wa uchibol akutwish kusend fomu wa kwitin mudimu wa uchibol nkwash kupwa kwa kukumangan.

Muminy 187 ni dilembil dia nsudel.

Rubing ra Rish 20

Muminy 21

Min 10: Yijikish. Rapor wa chipau.

Min 15: “Ov Chom ik Nikutwisha Kusal?” Ntakel wa dilejan dia buku wisambidin mutu wa mulong winou ni nkwash’a midimu umwing ap aad. Mulong wa mipak kushalijan, in kulejan amwing akutwish kutong anch akutwish kuwejinaku pakemp mujikit wa chikumangen. Chirikin milad yimwing yikutwishay kuwejin muntu ni muntu ku kukasikesh chikumangen ni kuyish kurutu mudimu wa Want. Pwishin nich kulejan mutapu ukutwishay muntu ni muntu ‘Kwirijek Mulong wa Rapor wa Nsudel.’​—⁠ Notre ministère, paj 109-10.

Min 20: “Ov Ndol 2000 Ukwikal Ngond Wetu Upandakena Kuwap?” (Par. 12-18) Yipul ni yakul. Wejinamu chakumenaku chimwing chiswimp piur pa mutapu wa kumutazuk muntu twijikijadina nend kwez ku Chivurish. Chirikin ngond wa Ndol pa Calandrier 2000, ni kulejan yikumangan ya mudimu wa kulejan yirijekinau mu chikumangen chen. Muvurisha muntu ni muntu kusal program umwing ufanyidina mulong wa kubudikin mu chingand mud kamu chitwishikina ngond winou nich rutong ra kubudikin antu chitot pa chitot mu chikumangen. Yikasikesha awonsu akutwisha kusal mudimu wa uchibol nkwash kusend fomu wa kwitin mudimu winou kupwa kwa kukumangan.

Muminy 65 ni dilembil dia nsudel.

Rubing ra Rish 27

Muminy 119

Min 10: Yijikish. Yivurisha awonsu kutul rapor wau wa mudimu wa Rish. Ijikish majin ma antu akusala mudimu wa uchibol nkwash mwi Ndol. Rumburil anch kuchidi chisu cha kwizwish fomu wa kwitin mudimu wa uchibol. Lejan program mwawonsu wa mudimu wa kulejan urijekinau mulong wa ngond. Kasikesh muntu ni muntu kubudikin mu chingand kwisudiel kwa rubing riner, chakwel kusambish Ndol nawamp. Tukupan Tour de Garde ni Réveillez-vous! ngond winou. Lejan mutu wa mulong umwing ni rusangu rifanyidina tukutwisha kusadil mutapu uwamp pitupanina nimero ni nimero (wa gazet). Muntu ni muntu uwapidil kwikal ni broshir Nzamb Witin ni kusal usu wa kumusadil mulong wa kusambish malejan ma Baibel ni antu akumekesha kusanger.

Min 13: “It Ukwash.” Diskur ni misamb ni in kutesh dikupanau kud mukurump. Rumburil mutapu etu awonsu tukweta kuswir kwa ukwash kanang chisu ni chisu. Mwaning, muntu ni muntu uwapidil kwisendil chisend chend amwinend. (Gal. 6:⁠5) Pakwez, anch chatukasiken, tufanyidinap kwidjidjek kukimb ukwash wa antu akudila muspiritu mu chikumangen. Yita in kutesh kulejan jinsangu jimekeshina mutapu wayikasikesha ukwash wayinkishau kud akwau.

Min 10: Nswir ya chikumangen.

Min 12: Chirikin Annuaire 2000. Isamba ni in kutesh ni kuchirikin milong yijim ya “Kuvul Kwawonsu kwa 1999,” pa p. 31. Isambina kand “Mukand wa Chisak Chitakedina,” pa p. 3-5. Yita amwing kulejan mutapu ukulondulau kukasikesh kupaninau.

Muminy 195 ni dilembil dia nsudel.

Rubing ra Ndol 3

Muminy 72

Min 10: Yijikish ni jinsangu jamenau mu kulejan. Sadil jinsangu jitondinau ja katat ja mu teritwar wen jikuyikasikesha akwau kulejan.

Min 17: “Twilejany Prophétie de Daniel.” Yipul ni yakul. Mu wiswimp isambina mutapu tukutwisha kutambul ukwash udiokila ku kwilej buku wa Daniel. (Tal shapitre 1, paragraf 15-17, mu buku Prophétie de Daniel.) Yikasikesha awonsu kukumangan ku dilejan dia buku pakad kujing. (Yikumangan yikata kusadil rudim ra Monokutuba, Chitetela ni Chikaroj yikwilej buku Unis dans le culte du seul vrai Dieu kulondulijan ni program wayituminidinau mu mukand wa Kachirikin 15, 1999.)

Min 18: Ov Nifanyidin Kulejan Chitil Chijim? Diskur dikupanau nich kashinsh kud mukurump, dikwisambin nakash ansand. Kudi milong yivud yiyila kurutu mu mangand minam ma katat yikweta yibudikin yiyimp kud ansand nau ayangadim: kuwupuk kwa ngikadil muwamp, kuvulijan kwa ubaj, kunawol damb, ni kuburen kulimish in kutakel. Ansand amwing akwet mwom wa mitapu yaad, akat kujindjik ngikadil yau yiyimp. Chinech chiletin matat ma kashinsh ku kuwap kwa muspiritu kwa chikumangen chawonsu. Amwing akat kusal yitil yijim ni asotil kudandamen kuyijindjik. Anch wij anch mukadivar ap nambaz mu chikumangen wasadin chom chimwing chidia chinyim nich chijil cha Nzamb, ov chom ik ukusala? Shinshikin chijidik chidia mu In Levi 5:⁠1. (Tal Tour de Garde wa Kafumpul-Mashind 15, 1997 p. 27-30.) Tal buku Les jeunes s’interrogent, p. 68-9, ni rumburil yifanyidinay kusal muntu anch milong mud yiney yamekan.

Muminy 68 ni dilembil dia nsudel.