Program wa yikumangan ya mudimu

Rubing ra Kalol 12

Muminy 136

Min 8: Yijikish. Yijikish yifanyidina ya Mudimu Wetu wa Want.

Min 15: “Midimu Yiukata Kusalanya Kiyidiap Yamwamu, Bwat.” Mazu mey ma kusambish kangal masut minit umwing, ni londul misamb nich yipul ni yakul. Wejinaku yirumburil ya rusangu rilejenau mu Tour de Garde wa Kalol 15, 1996, p. 32.

Min 22: Tusambishany Malejan Nich Broshir Nzamb Witin. Diskur, dichirikidina mutu wa mulong udia mu Mudimu Wetu wa Want wa Chiwong 1999, p. 6. Salany chakumenaku cha mutapu wa kupan uman udia mu paragraf 6. Mwin kulejan umwing ap aad alejana mu wiswimp mutapu watwishau kusambish malejan, ni kulejan mutapu wasambishau dilejan ni yasalau chakwel dilejan diya kurutu rubing ni rubing.

Muminy 209 ni dilembil dia nsudel.

Rubing ra Kalol 19

Muminy 14

Min 12: Yijikish. Rapor wa chipau ni kwijikish rapor wa chipau wa angond asatu a nsudel. Anch chikumangen chikwet mwi nkil buku Les jeunes s’interrogent ap Votre jeunesse, lejan mutapu ukutwishau kumasadil nawamp mu mudimu wa kulejan pa chisu cha angond a konje, pa chisu tudia ni mutapu wa kutan ansand ni ayangadim ku chikumbu.

Min 8: Yakul ku Yipul Yen. Diskur nend mukurump.

Min 25: “Ov, Nikutwish Nchik . . . Anch Kwikil Muntu Mwin Kwinrumburil?” Yakul ni yipul yitakedinau kud kalam’a mudimu. Tangany paragraf ni paragraf, ni kutang maverse madia mu paragraf wa 3, wa 4 ni paragraf wa 7. Piwisambidinany paragraf wa 6, rumburil mudimu ukwetay kalam’a mudimu mu kujingunin anch chifanyidin ap bwat kuvuvurish kwilej Baibel kwa muntu ipend nau antu abatishinau.​—⁠Tal Mudimu Wetu wa Want wa Kalang 1998, Yakul ku Yipul Yen.

Muminy 89 ni dilembil dia nsudel.

Rubing ra Kalol 26

Muminy 39

Min 10: Yijikish. Yivurisha in kulejan kutul marapor ma mudimu wa Kalol. Chirikin mikand ya kupan mu Kafunfut. Lejan mabroshir makur madia mwi nkil ya chikumangen, ni kumekesh mu wiswimp rutong ra broshir umwing ni umwing. Salany chakumenaku chimwing chirijekinau nawamp chimekeshina mutapu wa kupan mabroshir minam mu mudimu wa kulejan.

Min 17: ‘Twikalany in Kupan, ni Kuyikwashap Akwau.’ Yipul ni yakul. Wejinaku milong yinying yimekeshina “Mulong Wak Tukata Kupan” yidia mu Tour de Garde wa Kalang 1, 1996, p. 29-30.

Min 18: Twijikany Mutapu wa Kwakul. (Kol. 4:⁠6) Diskur ni misamb ni in kutesh. Chom ik ukata kusal anch wasankan muntu umwing uvuvurishina yitongijok yimwing yakad kwambatan ni mifund? Buku Comment raisonner ukat kukwashang chisu chivud nich kupan yiyul yifanyidina piur pa mutapu wa kwakul nich manangu. Chilikej, ap anch tumening rufu mud mukankuny ukezau kudiosh kusutin difut dia Kristu, antu akwau itiyidin chakin anch kwikil chom ap chimwing chikutwisha kuridiosh, ap kusu kutek ritiy mu chitongijok cha makasu cha kuvadikin mu chom chikwau. Isambina yakul yipaninau mu buku Comment raisonner pa mutu wa mulong “Anch Muntu Walond anch​—⁠” pa p. 258-259 ni 309. Kasikesh muntu ni muntu kwikal ni buku winou mu mudimu wa kulejan.

Muminy 44 ni dilembil dia nsudel.

Rubing ra Kafunfut 3

Muminy 213

Min 10: Yijikish. Yita in kulejan asambishina malejan nich broshir Nzamb Witin kulejan mutapu wachisadilau.

Min 15: “Mutapu ik Tufanyidina Kutakel Yikumangan ya Mudimu wa Chingand?” Misamb ya kalam’a mudimu ni ntakel umwing wa dilejan dia buku, chiwapidil ikala nkwash’a midimu chifuvu. Kalam’a midimu ukutwish kuwejinamu yitongijok yimwing yifanyidina ya Mudimu Wetu wa Want wa Kalang 1994, p. 3. Ukukasikeshin anch chidi cha ukwash kuchirikin yitongijok ya chikumangan cha mudimu cha nsudel ni kupan yiyul piur pa mutapu wa kuyisadil mu mudimu wa kulejan dichuku dinidia. Chakumenaku chimwing chiswimp chirijekinau pa dishin dia mutapu uswapela wa kupan uman wa Baibel ukutukwash kukumangej yitongijok yetu ni kuyibudish. Anch wangan in kulejan, mwin kutakel ukulimish chijidik cha Yesu payitumay in kwilej end aad aad. Akutond mukurump ap nkwash’a midimu chakwel atakela kukumangan kwinoku kwa mudimu wa chingand chakwel kwikala ni ukwash ni kuyirijeka chakin in kulejan mulong wa mudimu.

Min 20: Kusadil Yijidik ya Baibel Kukat Kukasikesh Mwom wa Dijuku. Misamb ya akadivar aad, piur pa manans chinan madia mu buku Comment raisonner, p. 229-230. Rumburil usey wa kuyikwash antu ilejina Baibel chakwel kwijik anch ujindj wa musangar mu dijuku wengamidin pa kutesh ni kusadil yijidik yidia mu Dizu dia Nzamb. Nich kusadil difundish dia 8 didia mu broshir Nzamb Witin, salany chakumenaku chimekeshina mutapu ukutwishau kuchisal. Majuku makata kulondul yiyul ya Baibel madi mu umwing ni makwet musangar ujim mu kwikal pamwing mu rukat ni uumwing. Rumburil rusangu ridia mu buku Bonheur familial, shapitre wa 13, par. 1, 21-2.

Muminy 51 ni dilembil dia nsudel.