Program wa yikumangan ya mudimu

Rubing ra Kafunfut 10

Muminy 7

Min 12: Yijikish. Yijikish yifanyidina ya Mudimu Wetu wa Want. Isambina rapor wa mudimu wa chingand wa Kalang wa ngand ni wa chikumangen. Pwitin yitongijok ku kapalikany “Tal pa Paj wa Nsudel,” ni salany chakumenaku cha mutapu umwing wa kupan uman uyudilau ukutwisha kwikal ni mabuj mu teritwar wen.

Min 15: “Kitukutwishap Kulik Kulond.” Mazu mey ma kusambish kangal masut minit umwing, ni kupwa shinshikin misamb nich yipul ni yakul. Kasikeshin mulong wak tufanyidina kukwat nich makas maad mudimu wetu wa kulejan. Wejinamu yitongijok yifanyidina yidia mu Tour de Garde wa Chiwong 15, 1997, paj 23-4.

Min 18: “Tusalany Yom Yawonsu Mulong wa Kutung.” Amakurump aad isambidin mutu wa mulong winou. Tangany paragraf umwing ni umwing ni mifund yijimbwilau. Isambinany yijidik yidiokilaku. Kasikeshinany kuswir kwa kwikal ni kujingunin chisu cha kusal midimu ya kwisak ap kutek nfalang mulong wa mudimu kampand wa kwisak. Chirikinany yiyul yidia mu Tour de Garde wa Rish 15, 1997, paj 18-19, 22.

Muminy 15 ni dilembil dia nsudel.

Rubing ra Kafunfut 17

Muminy 23

Min 15: Yijikish. Rapor wa chipau. Rumburil mu wiswimp mutapu wa kusadin broshir Le nom divin chakwel kukwash muntu mwin kusanger kuman usey wa kwijik ni kusadin dijin dia Nzamb.​—⁠Tal buku Comment raisonner, paj 200-1.

Min 10: “Program Musu wa Chikumangan cha Munyimuku.” Yipul ni Yakul. Ijikish machuku ma ngond ma chikumangan cha munyimuku chikweza, ni yikasikesha awonsu kukumangan machuku mawonsu maad. Yikasikesha awonsu kusal usu wa pakampwil chakwel kuyitazuk antu akata kwilej nau Baibel. Kwikalaku kwau ku chikumangan chinech kukutwish kuvuvurish kusot kwau kwa kukumangan chisu ni chisu ku chikumangen.

Min 20: Nany Ufanyidina Kwikal Chilakej Chey? Tatuku umwing utakedil dilejan dia dijuku ni mwan umwing ap aad a dikum dia mivu. Wamen katat kamu ak anch mambamb mau mimedin chisu chivud pa milong ya ayilabu a sport, antu a katumb a mafilim, antu akatau kutal ku televishen, ni mizik. Winanin pa chinech mulong mwikadil winou udi kumekesh kwa spiritu wa mangand. Isambidin Réveillez-vous! wa Ndol-Mem 22, 1998, paj 12-14. An ajingunin anch kwifukwil antu a katumb mu mangand kudi kwitek mu chak ni kujingunin anch antu a katumb a pa mangand kakwetap chom ap chimwing cha kuyinkish in Kristu. Ashinshikidin usey wa kuyilakej anvaj, amakurump, ni antu akwau akweta chilakej chiwamp mu chikumangen​—⁠nakash kamu Yesu Kristu​—⁠mud antu a kwilakej.

Muminy 34 ni dilembil dia nsudel.

Rubing ra Kafunfut 24

Muminy 45

Min 5: Yijikish.

Min 15: Twimekeshany Ayinetu Mud Atushalapol a Nzamb. Ankwash’a midimu aad ambambidin yiyul ya Baibel yipaninau mu Tour de Garde wa Kachirikin-Kalang 15, 1998, paj 19, 20. Amen usey wa kuswir kwa kusal mudimu wau mutapu umwing uwamp mud ankwash’a midimu ni yikutwishau kusal chakwel kumekesh anch asadil mudimu wau. Isambidin usey wa kupan chilakej chiwamp mu mudimu wa chingand ni kuman mutapu ukutwishau kusadil pamwing nau amakurump mu kupan ukwash kud in kulejan. Asotin kusal yawonsu yikutwishau chakwel kukwash chikumangen kujingunin kuswakej kwa chisu ni kukul muspiritu.

Min 10: Kulejan kwa Kuyifundin Antu Itwakad Etu Kutwish Kusankan Mikand. Diskur ni misamb ni in kutesh. Chikasiken nakash kuyitan antu kwol kwau; in kulejan amwing amen mabuj mawamp mu kufund mikand. Shinshikin yiyul yiney. Mikand yifanyidin kwikal yiswimp, yimanyidina pa Baibel, ni ya kalimish. Kangal kutum mukand pakad kwijikish adres wey. Fund ku makas ap ku mashiny nawamp ni mutapu uswapela kutang. Pan adres wa Chot cha Want ni yisu ya yikumangan ya chikumangen ni kuyit kwez ni kukumangan. Kangal kusadil adres wa Sosait. Chirikin yiyul yipaninau mu Manuel pour l’École, pa paj 86-7, ni Yakul ku Yipul Yen mu Mudimu Wetu wa Want wa Kalang 1996.

Min 15: Tusadilany Mazu ma Kusambish Nich Misamb Makweta Mabuj. Tond mazu ma kusambish nich misamb maad ap masatu pa paj 9-15 mu buku Comment raisonner, ni isambina mutapu ukutwishau kumasadil mu mutapu ukweta mabuj (uwamp) mu teritwar wen. Yipula in kutesh, “Ov mazu ik ma kusambish nich misamb ukata kusadilany chisu wisambinany ni muntu mu balibal, mu mutapu wa kukashimwish, ap mu mijikit yikwau?” Anch kudi chisu salany chakumenaku chimwing ap yaad.

Muminy 54 ni dilembil dia nsudel.

Rubing ra Kafunfut 31

Muminy 66

Min 15: Yijikish. Yivurisha awonsu kutul rapor wa Kafunfut. Yita in kutesh kulejan milong yamenau ngond winou padiau ni kwangan mabroshir.

Min 12: Nswir ja chikumangen.

Min 18: “Ov Umen Usey wa Kushimpish Muchim kwa Yehova?” Yipul ni Yakul. Wejinaku mazu mafanyidina piur pa kushimpish muchim kwa Yehova.​—⁠Tal Étude perspicace, Volim 2, paj 499-500.

Muminy 75 ni dilembil dia nsudel.

Rubing ra Kafumpul-Mashind 7

Muminy 88

Min 10: Yijikish.

Min 17: “Ov Uding Muntu Wakad Kuzangurok?” Yipul ni Yakul. Lejan rusangu rikasikeshina ridia mu Annuaire wa 1997, paj 43-4.

Min 18: Ikal Mwin Manangu mu Kutongin Machuku Mey ma Kurutu. Diskur nend mukurump. Ansand asotining kwikal ni machuku ma kurutu ma musangar pamwing ni antu akatinau. Anch asotin kutwish rusot riner ra chivadik, afanyidin kusadil yiyul ya Nzamb. (Jnsw. 19:20) Kupwichikin kud muntu wa mujimbu windj kuding kukash kud ansand nau ayangadim. Anch kalaminap yovil yau, chibudikin chikutwish kwikal chiyimp nakash. Tukutwish kwiyipul chilik cha manangu ma ansand nau ayangadim apwichikina ni muntu wa mujimbu windj, akudisha kal urund umwing wa kukatijan ni kusambish kwiyendil. Chirikin yiyul yipaninau mu buku Les jeunes s’interrogent, paj 231-5. Isambina milong yijim yidia mu Tour de Garde wa Kalang 15, 1999, paj 18-23, yimekeshina usey wa ansand kuwanyish yisend yau kurutu kwa Nzamb. Yikasikesha ansand nau ayangadim kutongin yiyul yiney ni kuyambambin nau anvaj au anch akwet yipul.

Muminy 101 ni dilembil dia nsudel.