Program wa yikumangan ya mudimu

Rubing ra Kafumpul-Mashind 14

Muminy 114

Min 12: Yijikish. Yijikish yifanyidina ya Mudimu Wetu wa Want. Isambina rapor wa mudimu wa Rish wa ngand ni wa chikumangen chen. Mu Kafumpul-Mashind mwashal kal kusu nsudel jaad ja mbing, chawiy yikasikesha awonsu kubudikin mu mudimu wa kulejan kurutu ngond apwa. Lejan program wa kwisudiel kwa rubing wa yikumangan ya mudimu wa chingand.

Min 15: “Rish Kurish Kuwamp kwa Ritiy.” Mazu mey ma kusambish kangal masut minit umwing, ni shinshikin misamb nich yipul ni yakul. Isambina yirumburil yidia mu buku Notre ministère, paj 44-5, piur pa mutapu ukatau kurijek antakel a Dilejan dia Buku dia Chikumangen mujikit wa kulejan mu yirund yau ni kuta muchim kud mwawonsu usotina ukwash mulong wa kubudikin mu mudimu wa kulejan ni kutul rapor wau wa mudimu pakad kujing.

Min 18: Mutapu Ukutwisha Kuman Ukwash wa Kuya ku Shikol. Tatuku wisambin nau anend chakwel kuyikwash kuman mulong wak kwilej chidi chom chimwing cha ukwash. (Tal buku Les jeunes s’interrogent, paj 133-9.) Ansand avud atongining anch kuya ku shikol udi kasarumun umwing mukash mu chisak ch’ilel chivundangena. Akat kwovang usweral ni kutong anch yikatau kwilej yikez kwikal kusu ni ukwash ukemp. Tatuku wisambidin yijidik ya mifund ni milong ya kashinsh yimekeshina mulong wak chidia cha manangu kwikal ni ronganyin kanang rifanyidina mu kwilej kwa ku mujimbu. Uyikasikeshin anend kwilej nawamp ni kuta matu mu kalas.

Muminy 127 ni dilembil dia nsudel.

Rubing ra Kafumpul-Mashind 21

Muminy 143

Min 12: Yijikish. Rapor wa chipau. Salany chakumenaku chimwing chirijekinau nawamp chimekeshina mutapu wa kwakwil chipul: “Ov mulong wak ufanyidinay Nzamb wa rukat kulik mar madandamena mivu yivud mwamu?” (buku Comment raisonner, paj 376-7) Yikasikesha awonsu kubudikin mu mudimu wa kulejan kwisudiel kwa rubing riner.

Min 8: “Program Musu wa Chikumangan cha Pakampwil cha Dichuku Dimwing.” Diskur. Ijikish dichuku dia ngond dia chikumangan cha pakampwil cha dichuku dimwing chikweza, anch dijiken, ni kuyikasikesh awonsu kukumangan dichuku dia kabuj. Yikasikesha in kulejan kutazuk antu amekeshina kusanger katat ni antu akatau kwilej nau Baibel.

Min 25: “Ov Ukat Kumenaku Ukwash?” Yipul ni yakul.

Muminy 152 ni dilembil dia nsudel.

Rubing ra Kafumpul-Mashind 28

Muminy 165

Min 10: Yijikish. Yivurisha awonsu kutul rapor wau wa mudimu wa Kafumpul-Mashind. Antakel a Dilejan dia Buku dia Chikumangen awapidil kutal anch muntu ni muntu mu chirund chau watudil kal rapor wend chakwel marapor mawonsu akutwish kumafund ni kumatum pa Mwinses 6.

Min 15: Nswir ja chikumangen.

Min 20: “Yikumangan Yidi ya Ukwash Kud Ansand ni Ayangadim.” Misamb ya yipul ni yakul yikutakelau kud mukurump. Anch washikany mu paragraf wa 8, shinshikinany yom yimwing yidia ya ukwash yikata kukwash kwikuchik ni kuta matu pa chisu cha yikumangan. (Tal Réveillez-vous! wa Mwinses 22, 1998, paj 19-20.) Yikasikesha anvaj kwikal ajijamena chakwel anau akumanganang pakad kujing ku yikumangan yawonsu.​—⁠Tal rusangu ridia mu Tour de Garde wa Mwinses 1, 1997, paj 25.

Muminy 176 ni dilembil dia nsudel.

Rubing ra Mwinses 4

Muminy 196

Min 15: Yijikish. Isambina milong yitadila “Kulam kwa Nkil ya Mikand mu Chot cha Want.”

Min 10: Chisu Chetu Chidi cha Pakampwil. Diskur nend mukurump, piur pa Tour de Garde wa Kalang 15, 1996, paj 22-3.

Min 20: “Ov Ukat Kujijaman?” Diskur ni misamb ni in kutesh. Yikasikesha awonsu kutongin mutapu ukutwishau kupandakan mu kumekesh kujijaman mu mudimu wa Ukristu. Anch kuziok kwasambish kumekan, chifanyidin kwikasikesh ayinetu muspiritu. Wejinamu yitongijok yidia mu Tour de Garde wa Mwinkind 1, 1999, paj 20-1, paragraf 17-21. Yita in kulejan aad ap asatu ajijamena nich kushinshaman mu chirung cha mivu kanang kulejan yom ik yisadinau muntu ni muntu chakwel kukankaman.

Muminy 206 ni dilembil dia nsudel.