Kulam kwa nkil ya mikand mu yot ya want

Chot ni Chot cha Want chisadidilau kud yikumangen yivud chikwet nkil yimwing ya mikand. Chinech chirumburikin anch “chikumangen chitakedina” chikutum ngond ni ngond komand wa mikand ku Sosait pa ndond pa yikumangen yikwau kwitumin komand wau ayinau. Ditenchik dined ditadilap chikumangen chikata kusadin Chot cha Want achinach.

Chikumangen ni chikumangen chikwet chisend cha “Milambu ya mudimu wa mangand mawonsu wa Atuman’a Yehova​—⁠ Mateu 24:24” ni kangal kusu chikumangen chitakedina. Chikumangen ni chikumangen chifanyidin kukung milambu yawonsu kupwa kwa chikumangan ni chikumangan. Kupwa akutum milambu yiney ku Sosait mud chidinga kal chaku.

Ntakel wa mikand ukwet chisend cha kutal anch nkil ya mikand yikwet mikand yiwanyidina ni yifanyidina mulong wa yikumangan ni mikand ya kupan kwi ngond. Ufanyidin kutal anch pikil alam chamwamu mwi nkil yom yitinau pa komand wa pakampwil. Usadining kuchind kwa mikand yawonsu (Inventaire) ngond ni ngond nich ukwash wa fomu État mensuel du stock des publications (S-28). Anch watambul mikand, ukat kuyiwejin ku mikand yidia mwi nkil.

Tukakutambul mikand yambatena nich ditenchik disu piur pa kutakel nkil ya mikand. Ntakel wa mikand ni nswan wend akukumangan pamwing ni makomite ma mudimu ma yikumangen yisadidina Chot cha Want chimwing ni akadivar asadina mudimu wa mikand ni magazet a chikumangen ni chikumangen. Akutal awonsu pamwing yany yidia mu mukand wa Kafunfut 1, 1999 ni “Instructions pour la demande de publications et de périodiques” ya Chiwong 2000 (S(d)-15-F). Yany yiney yikwashin kwakul ku yipul yivud yipwilau ku biro wa mutiy.