Program Wa Yikumangan Ya Mudimu

Rubing ra Kafumpul-Mashind 13

Muminy 30

Min 13: Yijikish. Yijikish yifanyidina ya Mudimu Wetu wa Want. Kasikesh muntu ni muntu kutal band video La Société du Monde Nouveau en action mulong wa kwirijek mulong wa misamb ya rubing ra Kafumpul-Mashind 27. Isambina “Program Musu wa Chikumangan cha Pakampwil cha Dichuku Dimwing.” Ijikish dichuku dia ngond dia chikumangan cha pakampwil cha dichuku dimwing chidia mu kwez, ni kuyikasikesh antu awonsu kukumangan ku program mwawonsu. Yikasikesha in kulejan kuyitazuk antu amekeshina kusanger ni antu ilejina nau Baibel.

Min 17: “Ov Usotil Kusal Yivud Nakash?”* Wejinaku yiyul piur pa mutapu wa kusal yivud nakash mulong wa kupan uman kud antu adia mu teritwar wen akata kulond rudim ra wingez. Rumburil mu wiswimp yitongijok yimwing yidia mu Tour de Garde wa Kalol 15, 1997, paj 26-29.

Min 15: “Tutekany Kwipuwangej pa Ndond Yifanyidina.” Ntakel wa dilejan dia buku umwing wisambin ni ikundj ni mukajend kupwa kwa dilejan. Uyilejin nich rukat ni kuwap anch machuku am kayimenap kand mu mudimu wa chingand ap ku yikumangan ya kwisudiel kwa rubing. Ambay a uruu arumburil anch adi akwatiken nakash nich konje ni mijikit yikwau ya chirung cha chishipu. Mukurump uchirikidin milong yijim yidia mu mutu wa mulong winou, mulong wa kuyikwash ambay a uruu kuman anch mijikit ya muspiritu yifanyidin kamu chisu chawonsu kwikal pa ndond ya kusambish. Amekeshin kujikitish kwau mulong wa yivurish yend yiwamp. Itiyin anch akutek kamu katat pa ndond ya kusambish yom yidia ya usey mu machuku ma kurutu.​—⁠Tal Tour de Garde wa Mwinkind 1, 2000, paj 19-20.

Muminy 68 ni dilembil dia nsudiel.

Rubing ra Kafumpul-Mashind 20

Muminy 33

Min 8: Yijikish. Rapor wa chipau.

Min 15: “Tudi ‘Antu Amekeshinau Mud Yom ya Kusengan Nich’!” * Jimbul jinsangu kanang jamekana pol pen jadia ni kubaz mudimu ap ngikadil ya Atuman’a Yehova.​—⁠Tal Tour de Garde wa Rish 15, 1998, paj 10, ni wa Chiwong 15, 1999, paj 32.

Min 22: “Yaku Yiwamp​—⁠Chijingidij cha Antu Ipanina Kud Nzamb.” Mukurump ukupan diskur dia aminit atan piur pa paragraf 1-5. Kupwa kand ukwisambin chikunku chishadilaku ni mukurump mukwau ni nkwash’a mudimu umwing. Isambidin piur pa mutapu wa kudjibwil kulemp yaku yimwing yiyimp yikutwisha kurumbul yitongijok ku yikumangan yetu ni kutek mimbu ku yiyukish tukata kutambul. Avurishin anch yisu tukata kusutish pamwing yiding yisu yimwing yikasikeshina pitumekeshina anch tukat kuyitongin antu akwau.​—⁠Filp. 2:⁠4.

Muminy 72 ni dilembil dia nsudiel.

Rubing ra Kafumpul-Mashind 27

Muminy 40

Min 10: Yijikish. Yivurisha in kulejan kutul rapor wau wa mudimu wa Kafumpul-Mashind. Ambambin mu wiswimp chiyul chimwing ap yaad piur pa mutapu ukutwishau kupan buku Création mu mudimu wa kulejan mu Mwinses.​—⁠Tal yilikej yiletinau mu Mudimu Wetu wa Want wa Mwinses 1996, paj 8, ni Kalol 1995, paj 6.

Min 10: Nswir ja chikumangen.

Min 25: “Dichirikin dia Chishimu cha La Société du Monde Nouveau en action.” Misamb nau in kukumangan ni ma interview. Kupwa kwa kwisambin yipul yarijekinau kal, sal ma interview ni in kulejan kanang amana filim wa kusambish ap antu akumangana ku yikunguril ya mangand ya mivu ya 1950. Yita kurumburil yom yivurikinau piur pa yinship yiney, mutapu yadinga ni usu piur pa mwom wau wa muspiritu, ni kwitiyij kwau anch dined diawiy dirijek dia Yehova. Mwi ngond wa Mwinkind tukwisambin band video Unis grâce à l’enseignement divin.

Muminy 74 ni dilembil dia nsudiel.

Rubing ra Mwinses 3

Muminy 80

Min 8: Yijikish.

Min 17: “Ov Urund wa Ukristu Ukwet Usey Ik?”* Wejinaku yitongijok yidia mu kamutu kakemp ka mulong “Ukwash wa Chikumangen” mu Tour de Garde wa Chiwong 15, 1996, paj 22.

Min 20: Anch Muntu Kanang Walond Anch. . . Misamb ni yakumenaku. Anch pitudia mu mudimu wa kulejan, antu alet yitongijok ap kwipul yipul yakad etu kutongin, tufanyidin kwikasikesh kuyakul pa ndond pa kukarumun misamb ap kwimik misamb. Pa chinech, buku Comment raisonner ukez kwikal chisu ni chisu wa ukwash nakash. Lejan mazu kanang mijikena, ni yita in kulejan kurumburil mutapu wa kwakul nich ukwash wa yitongijok yidia mu buku Comment raisonner. Chilikej: ‘Nitiyidinap mudi Nzamb.’ (paj 111) ‘Ov mulong wak ukata kulikany kusal midimu ya kuwapish mwom wa chisak cha antu?’ (paj 402-403) ‘Chikwetap kwau mulong ikalap nchik relijon ukatay kulondul muntu.’ (paj 320) Yikasikesha in kulejan awonsu kusadil chikunku chinech cha usey cha buku Comment raisonner chisu chikatau kusankan yipul yakad kuchingejin mu mudimu wa kulejan.

Muminy 121 ni dilembil dia nsudiel.

* Mazu mey ma kusambish nich kangal masut minit umwing, ni kupwa shinshikin misamb ni yipul ni yakul.