Program Wa Yikumangan Ya Mudimu
Rubing ra Kalang 12
Muminy 170
Min 8: Yijikish. Yijikish yifanyidina ya Mudimu Wetu wa Want.
Min 15: “Tuchingejinany Usu wa Yehova.”* Wejinaku mu wiswimp milong yisambidinau mu Tour de Garde wa Mwinkind 1, 1999, paj 18-19, paragraf 6-8.
Min 22: “Tukwangul Kwambatan Nich Usu Wetu.” Diskur ni misamb yimanyidina pa mutu wa mulong udia mwi wenjil. Akudipan kud mukurump. Sadil yom yiney kwambatan nich chikumangen chen. Anch chisu chidiaku akutwish kutang maparagraf ni mifund yijimbwilau.
Muminy 191 ni dilembil dia nsudiel.
Rubing ra Kalang 19
Muminy 172
Min 8: Yijikish. Rapor wa chipau.
Min 15: “ Ov Ukat Kwilejany mu Dijuku?”* Anch chisu chidiaku, tangany maparagraf mamwing mafanyidina ni mifund ya Baibel yilejenau kusu. Ukutwish kwipul mitu ya majuku, ap kand in kutesh akwau kurumburil mutapu walondulau yiyul mud yiney ap mutapu wayimanau akat kuyisadil kud akwau. Mu dipwishil, kasikesh majuku mawonsu kumekesh kujijaman mu dilejan diakad kujing dia dijuku.
Min 22: “Kudishany Ukaliweny Wen wa Kutesh.”* Mukurump umwing utakedil nich chirungil kuchirikin kwa program wa chikumangan cha pakampwil cha dichuku dimwing wa muvu wa mudimu wasutina.
Muminy 195 ni dilembil dia nsudiel.
Rubing ra Kalang 26
Muminy 177
Min 15: Yijikish. Yivurisha in kulejan kutul rapor wau wa Kalang. Nich kusadil yiyul yidia mu mutu wa mulong “Yitukutwisha Kulond Piur pa Magazet,” salany yakumenaku yaad yirijekinau nawamp piur pa mutapu wa kupan magazet—chimwing chisadidilau Tour de Garde wa Kachirikin 1 ni chikwau chisadidilau Réveillez-vous! wa Kachirikin 8. Kupwa rumburil mutapu wa kutan mazu mafanyidina ma kusadil chisu cha kupan buku Le plus grand homme ap umwing wa mikand yikwau ya kupan mu Kachirikin. Tal mu Index des publications de la Société Watch Tower mwishin mwa mutu wa mulong “Mazu ma kusambish nich” ni ayikungidin mu kamutu ka mulong “List wa Mikand.” Pan chilikej chimwing ap yaad.
Min 15: “Ov Kwisu Nikutwisha Kutan Chisu?” Diskur ni misamb ni in kutesh. Wejinaku manans majim madia mu Tour de Garde wa Mwinkind 1, 2000, paj 20-21, paragraf 9-10, mu kamutu ka mulong “Mutapu Ukatau Kutan Amwing Chisu cha Kwilej.” Yita in kutesh kushimunin mitapu yiwamp ya kusadil yasadinau chakwel kutan chisu mulong wa yom ya usey nakash kusutin kwipuk mijikit yakad usey ujim. Kasikeshin kuswir kwa kwikal nich program wa chisu cha dilejan dia muntu ipend ni dia dijuku diawonsu, yikumangan ya chikumangen, mudimu wa chingand, ni wa kutang Baibel dichuku ni dichuku.
Min 15: Ansand Akata Kumushiman Yehova. Misamb ni in kutesh. Yikumangen yivud yikwet ansand avud akata kusal mudimu wa kulejan. Chidi chifanyidina kud awiy kusal mwamu, ap anch chisu chivud afanyidin kupan uman mu mutapu ujim kud antu adia amakurump. (Kus. 148:12, 13; Mat. 21:15, 16) Anch anvaj ni in kulejan akwau amekeshin kusanger mud awiy, akat kuyifundish ni kuyikasikesh, ansand akat kuman musangar ujim mu mudimu wa chingand. Yita in kutesh kulet yiyul ya mitapu ya kuyisadil ansand mu mudimu wa ku chikumbu ni chikumbu ni kuchirikinamu kusu. Yipula anvaj kushimunin mutapu wayikwashinau anau kwilej mutapu wa kupan magazet, kusadil Baibel mu misamb yau, ni kulond nich kashinsh ku yis. Kasikeshin ukwash wa kuyijikitish an. Sal interview ni mwin kulejan umwing nsand ap aad, ni yita kushimunin yikatau kusanger piur pa mudimu wa kulejan ni mulong wak.
Muminy 198 ni dilembil dia nsudiel.
Rubing ra Kachirikin 3
Muminy 179
Min 8: Yijikish.
Min 17: Twiyijidishany Nich Jinsangu Jidia mu Buku Comment raisonner. Misamb ni in kutesh. Kusutil yilikej yilondwila ey, kasikeshin usey wa mutapu usadidilau nakash jinsangu kushalijan jidia mu buku winou mu kurumburil mafundish ma Baibel: Dirumburik, mud kamu dia “Want” (paj 335) ap “spiritu” (paj 135-136); kwilikej kwa yikarumun kushalijan ya Baibel, kulejena pisu ni mutapu ik dijin dia Nzamb adisadidil mu Baibel (paj 195-196) ap uyakin piur pa karung ka misiny (paj 123-125); list, ujimbwila yitiyij chimwing ni chimwing yitusadila kwikal aurikina nich marelijon makwau (paj 393-395) ap kulejan mutapu ukutwishay muntu kwijik relijon wakin (paj 316-318); rusangu ra pasak, rilejena disambishil dia Nowel (paj 162-164) ap kulik kwipachik mu milong ya chipolitik kwa in Kristu a mu mivu chitot ya kusambish (paj 267-269); uman wa kashinsh wa siyans, umekeshina uumb wa Nzamb (paj 73-74) ap kulejan uyimp wa kusadil damb ni kuna ruwand (paj 114-116). Yikasikesha in kulejan kusadil buku ukwashina kufundish nawamp winou pa yisu yin yawonsu yimekena mu mudimu wa chingand.
Min 20: “Yiyukish Yidiokila ku Kujikitish Mulong wa Rukat ra Yehova—Chikunku 1.”* Chisu wisambidina maparagraf 3-6, yita in kukumangan kushimunin milong yikasikeshina yamenau mu mudimu wa kulejan ku chikumbu ni chikumbu, uman wa mu balibal, kuchirikinamu kusu ni mujikit wa dilejan dia Baibel.
Muminy 200 ni dilembil dia nsudiel.
* Mazu mey ma kusambish nich kangal masut minit umwing, ni kupwa shinshikin misamb ni yipul ni yakul.