Dichirikin dia Shikol ya Mudimu ya Uteokras

Dichirikin dined akudisal pakad kusadil abuku, dimanyidin pa yom yitwilejina ku Shikol ya Mudimu ya Uteokras kudiosh ku rubing ra Mwinses 3 kushik ku rubing ra Kachirikin 24, 2001. Sadilany dipapel dikwau pa kwakwil ku yipul yiukutwishanya kwakul mu chisu chiletinau.

[Chiyul: Pa chisu cha kuchirikin, sadilany kusu Baibel. Mareferans mapaninau kwisudiel kwa chipul ni chipul amaletin mulong wa kuswapej kukimbol kwa muntu ipend. Manimero ma mapaj ni maparagraf kamalejenap chisu chawonsu mu mareferans ma Tour de Garde.]

Fund kwisudiel kwa jintung jilondwila Mwawiy ap Kimwawiyap:

1. Mulong ritiy ridi dibuj dia spiritu wa Nzamb, antu akad ritiy kakatap kukimb spiritu winou, ap akat kumukimbang mulong wa rutong riyimp ap akat kurish nich kusal kwa spiritu winou mu mwom yau. (Luka 11:13; Gal. 5:22) [rs p. 169 par. 1]

2. Kuseng 58:4 ulejen nawamp kamu anch chisud ukwet ‘matu’ chad kakatap kwov mulong uding kwend kajika-matu wa chivadik. [Kutang Baibel; tal Rbi8 p. 1711-1712.]

3. “Chisak chijim” cha amband chijimbwilau mu Kuseng 68:11 chading cha amband angendj aswik akulau mu winkwal kud amakundj in Isarel chisu chadingau ni kukwat michid ya akankuny nau. [Kutang Baibel; tal w86 15/10 p. 30 par. 6.]

4. Anch chisu cha muntu ni muntu ni mutapu wend wa kufa ading ayitenchika kal kurutu ap pa chisu cha kuvadik kwend, ing kach tuswiridinap kwipuk mikadil ya chak ap kukimb kudimukin ukash wa mujimbu wa muntu, ni yitenchik ya diking yikutwishap kukarumun ap pakemp uvud wa antu afila. [rs p. 99 par. 1]

5. Chiyul cha Paul cha kwel anch “kangal muntu kukudiul mulong chiuchidia nsand” chimekeshin anch Timote wadinga kamu chakin nsand wa mivu makum maad ap kwinsambishil kwa mivu 20 ni kusut. (1Tim. 4:12) [w99 15/9 p. 29 par. 1-3; p. 31 par. 2]

6. Mud kamu muchifundinau mu Kuseng 110:​1, dizu “Nsalejam” dilondil mulong wa Yesu. [Kutang Baibel; tal w94 1/6 p. 28 par. 5.]

7. Mu buku wa Kuseng, dijin Yehova dimeken piswimp tupamp 700, pakwez mulad wa kwiswipish “Yah,” tupamp 43, chakwel dijin diawonsu dia Nzamb adijimbwil piswimp tupamp 5 mu Kuseng umwing ni umwing. [si p. 105 par. 23]

8. Ap anch Mifund yimujimbwil Yesu mud “nzamb,” ap kand mud “Nzamb wa Dikand,” kwikil ndond ap yimwing yimujimbwilau mud mwin dikand diawonsu. (Yohan 1:1; Isa. 9:​6, NW; Dis. 17:⁠1) [rs p. 110 par. 7]

9. Kwilej buku wa Jinswir kudi kwau kwilej manangu ma Salomon kusu. [si p. 107 par. 1]

10. Chiyul cha Baibel, chidia mu Jinswir 21:​17, cha kwipuk ‘kukat masengan’ chimekeshin anch chiyipin kusengan mulong kusengan kukat kukepish chisu cha kusal yom ya usey nakash. [Kutang Baibel; tal w97 1/10 p. 27 par. 7.]

Akul ku yipul yilondwila:

11. Ov dipup ditudishina dia Yesu diamupupay nich Mart diadinga ni kulejan chom ik? (Luka 10:40, 41) [w99 9/1 p. 30 par. 7]

12. Ov “uyaj” wa mutapu ik watambulay nfund-a-kuseng kud Yehova? [Kutang Baibel; tal w86 15/12 p. 28 par. 3.]

13. Ov chitongijok ik cha yisend ya mudimu chambatena nich difukwil chimekeshinay nfund-a-kuseng mu Kuseng 84:​1-3? [Kutang Baibel; tal w97 15/3 p. 8 par. 5-7.]

14. Ov mutapu ik ulejena Kujingunik 22:17 ni Rom 2:​4, 5 anch Yehova kakatap kusambel kwijik ap kutenchik kurutu yom yawonsu yisadilau antu? [rs p. 102 par. 1-2]

15. Mulong in Kristu a kusambish ading ni kwitiyin mu Winyikel wa Mivu Kanan wa Yesu mud muchilejenau mu buku wa Kujingunik, ov yipwichik ik yayishikijina in Kristu in kupumbok ku kulik difundish dined dia winzamb? [w99 1/12 p. 6 par. 3–p. 7 par. 5]

16. Ov mipak ik yimwing ya kumekesh ‘kutal nawamp ching kusu ku yom ya muntu amwinend’ kud akwau yifanyidinau kulondul in Kristu? (Filp. 2:4) [w99 1/12 p. 29 par. 1]

17. Ov chitongijok ik chidia mu Kuseng 128:3 piur pa an adia “mud mitond ya mipach yisapukina” kunyingumuk ku tebur wa muntu? [Kutang Baibel; tal w00 15/8 p. 30 par. 4.]

18. Anch tumen mudimu wa Nzamb mud ukwamushena, ov mudimu winou ukwikal nchik ni usu padi etu? (Kus. 139:14) [Kutang Baibel; tal w93 1/10 p. 15 par. 18.]

19. Ov mulong wak Jinswir 5:​3, 4 ulondin piur pa nsudiel ya masandj anch yiding ‘yiridina mud mwaj’ ni ‘yisomburikina mud mpak ya musamun yikweta jimwemu jaad?’ [Kutang Baibel; tal w00 15/7 p. 29 par. 2.]

20. Kwambatan nich Jinswir 14:29, ov njingunin yikutwish nchik kutukwash kwipuk yibudikin ya kulik kushimpish muchim ni ujim wakad kwilam? [Kutang Baibel; tal w97 15/3 p. 13-14 par. 7-8.]

Izwish ndond yidia wash mu mazu malondwila:

21. Aprofet akin alondila ․․․․․․․․ ading ni kwijikish ․․․․․․․․ . (Kuv. 18:18-20; 1Yohan 4:1-3) [rs p. 152 par. 1, 3.]

22. Rutong ra Jinswir ridi mu yikunku yaad​—Kupan ․․․․․․․․ ni ․․․․․․․․ . (Jinsw. 1:​1-4) [w99 15/9 p. 13 par. 1.]

23. ‘Ndond ya ujindj ya Udia Piur Nakash’ yidi ndond ya ․․․․․․․․ mulong wa antu adia ku mutambu wa Nzamb kwambatan ni ․․․․․․․․ yidi “ujindj,” ap yakad kwijikan, kud antu ․․․․․․․․ . (Kus. 91:1) [Kutang Baibel; tal w86 15/12 p. 29 par. 6.]

24. ‘Kulik kuvuramen yisalijok yawonsu ya Yehova’ kwambaten kamu chakin nich ․․․․․․․․ pa “yisalijok yend,” midimu yend ya rukat ridimukina mud kamu chimekena mu Kuseng 103. (Kuseng 103:2) [Kutang Baibel; tal w99 15/5 p. 21 par. 5-6.]

25. Ruswir didi dizu diswimp dikatau kusadil mu ․․․․․․․․ ni dikweta rutong ra ․․․․․․․․ . [si p. 107-108 par. 6]

Tond chakul chifanyidina mu mazu malondwila:

26. Ap anch David wading ukwet diyingish dia kujiman mulong wa mar mamumeshau kud Saul, ndiy washimpisha muchim mulong (wading wiji anch Saul wading muntu wakad kuwanyidin ni anch atushalapol a Nzamb afanyidin kulikishin; ndiy wadinga ni kuvurik chakin kamu urund wend ni Yehova; wading wiji anch chading chiyimp kwitek nzuj). (1 Sam. 24:6, 15, NW) [w99 15/8 p. 8-9 par. 7]

27. (Manangu; Dipup; Kutentam) yidi kubombakan kwa yom yivud, kuwejaku chovu, njingunin, ukaliweny wa kutesh ni kushinshikin mulong swa chakwel kumenaku ukwash, ni ukaliweny wa kutong; (kuwap; chovu; chitongijok chiwamp) udi ukaliweny wa kuman mukach mwa mulong ni kujingunin yikunku yau nich kulondul kwambatan kudia pakach pa yikunku yau yawonsu, ni kushiken lel kutesh kurumburik kwau. (Jinsw. 1:1-4) [w99 15/9 p. 13 par. 2]

28. Ukash wa Josef wa kurish nich mazu ma masandj ma mband wa Potifar wadiokala ku (ronganyin rend ra Chijil cha Moses, chijil chadinga chijidikina masandj; kalimish kajim ka ndond yadingay nich nfumwend; usey wadingay ni kuman nich urund wend ni Yehova). (Dis. 39:7-9) [w99 1/10 p. 29 par. 3]

29. Mwin kufund wa Kuseng 119 wadinga nich kujikitish kujim nakash mulong wa (dizu, ap chijil, cha Nzamb; chipan cha mwom; ruchingej ra dipandish), difundinau piswimp mu maverse mawonsu ma kuseng. [Kutang Baibel; tal w99 1/11 p. 9 par. 5; w87 15/3 p. 24 par. 2.]

30. Mu mashapitre maad ma kusambish ma mukand wa Paul kud in (Rom; Galatia; Hebereu), mudi uvud kanang wa mifund yidiokila mu (miminy ya) Kuseng yilimishina (ndond yizambukina; dibatish; mudimu wa panap pansh) ya Yesu Kristu. [si p. 106 par. 28]

Lamik mifund yilondwila ey ku jintung jilikena nich:

Jinsw. 2:19; 14:15; 18:17; Rom 10:17; Heb. 13:18

31. Chakwel kwikal nich ritiy, muntu ufanyidin bil kwilej Baibel ni kumushinshikin nawamp kamu. [rs p. 170 par. 2]

32. In Kristu kakatap kwitiy kusadil milad ya mudimu wa kwisak yiburedina uyakin ap yidiwila yany ya yisakin ya antu akwau. [w99 15/9 p. 10 par. 2]

33. Antu akata kusal masandj akutwish kushiken ku chitongijok cha kulik kuchirik kwinyim, chawiy kulond rufu, kurutu chitwishika kukarumuk. [w99 15/11 p. 27 par. 4-5]

34. Muntu wa manangu ni ukweta njingunin ukat kushinshikin bil nawamp yibudikin ya yisal yend ni kakatap kulondul mud mputames chitongijok chisu mulong kusu achitiyin kud antu avud. [Kutang Baibel; tal g94 12/8 p. 16 par. 1.]

35. Ap anch chitongijok chiletinay muntu chimeken mud chovikena ni chakin, chidi cha manangu kutesh mitambu yawonsu ya mulong chakwel kushiken ku dipwishil. [si p. 111 par. 36]