Program Wa Yikumangan Ya Mudimu

Rubing ra Kachirikin 10

Muminy 205

Min 13: Yijikish. Yijikish yifanyidina ya Mudimu Wetu wa Want. Yikasikesha antu awonsu kutal band video Jusqu’aux extrémités de la terre chakwel kwirijek mulong wa misamb ya rubing ra Kachirikin 24, ap kuchirikin buku Prédicateurs, paj 521-546. Nich kusadil yiyul yidia pa paj 8, salany yakumenaku piur pa mutapu wa kupan (1) Tour de Garde wa Kachirikin 15 kud muntu witiyina kutambul magazet ni (2) Réveillez-vous! wa Kachirikin 22 kud muntu ulikina kumatambul.

Min 12: Nswir ja chikumangen.

Min 20: “Yiyukish Yidiokila ku Kujikitish Mulong wa Rukat ra Yehova​—⁠Chikunku 2.”* Chisu wisambidina paragraf 2-6, yita in kukumangan kushimunin yamenau mu mudimu wa kupan uman wa kukashimwish, ku kufund mikand, ni ku telefon. Irijeka kurutu kwa chisu chakwel kuchirikin rusangu ramanau rimwing ap jaad.

Muminy 222 ni dilembil dia nsudiel.

Rubing ra Kachirikin 17

Muminy 211

Min 10: Yijikish. Rapor wa chipau. Lejan yitenchik ya pakampwil yikwatinau mulong wa mudimu wa chingand pa Kachirikin 25 ni Chiwong 1.

Min 22: “Lejanany Dizu dia Nzamb Nich Kutentam.”* Salany chakumenaku chiswapela cha misamb yidia mu paragraf 4. Kupwa, yita in kutesh kwisambin piur pa mutapu umenau anch kusadil Baibel kukez kwikadish uman ukatau kupan kwikal ukweta yibudikin yivud yiwamp.

Min 13: ‘Ukwetany Baibel Wen Ayinen.’ Misamb nau in kutesh yishindamedina pa buku Comment raisonner, paj. 411. Anch antu akat kwidjidjek pa kututesh anch mulong tukat kusadilang Traduction du monde nouveau, ov chom ik tukutwisha kulond? Yita antwarubil kwirijek kurutu kwa chisu, mu mazu mau ayinau, kwisambin piur pa yiyul ya kwakul nich. Salany chakumenaku cha mutapu wa kusadil chiyul cha nsudiel mud dishin dia misamb ya pa chisu cha kuchirikin.

Muminy 225 ni dilembil dia nsudiel.

Rubing ra Kachirikin 24

Muminy 218

Min 10: Yijikish. Chirikin mikand ya kupan mu Chiwong ni mikand yidia mwi nkil ya chikumangen. Nich kusadil yiyul yidia pa paj 8, salany yakumenaku yaad yiswimp ya mutapu wa kupan magazet, chimwing chisadidilau Tour de Garde wa Chiwong 1 ni chikwau chisadidilau Réveillez-vous! wa Chiwong 8. Nsangarum umwing ukusal chakumenaku chimwing.

Min 10: “Shikol ya Mudimu ya Uteokras ya 2002.” Diskur nend kalam’a shikol. Yikasikesha awonsu kudandamen kurijek nich mushiku yikunku yitambwilau ku shikol.

Min 25: “Kupan uman​—⁠Jusqu’aux extrémités de la terre.” Misamb nau in kutesh. Yikasikesha awonsu kutongijokin nakash piur pa yikutwishau kusal chakwel kushikij kud antu akwau rusangu ruwamp, mu mwab wen ap ndond yikweta kuswir nakash. Tal Mudimu Wetu wa Want wa Kafunfut 2001, paj 4. Anch kwikil band video winou, Chikumangen Chikushinshikin milongo yidia mu buku Prédicateurs , paj 521-546 ni Tour de Garde wa Chiwong 1 1999, paj 6. Mu Kasan tukez kutal band video Noé : il marchait avec Dieu.

Muminy 24 ni dilembil dia nsudiel.

Rubing ra Kachirikin 31

Chiyul: Yikumangen yifanyidinap kushemunin Chikumangan chau cha Mudimu cha rubing ra Kachirikin 31 ku dichuku dia kurutu ching kamu anch kalam wa munyimuku wezin ni kuyital. Mu chikumangen chin chawonsu, afanyidin kushinshikin wejil wa chikunguril mud chimulejenau ku program wa Chikumangan cha Mudimu. Anch kudi chikumangan cha munyimuku rubing riner, antakel a malejan ma buku afanyidin kwijikish ndond yikusadinau chikunguril ni machuku ma ngond ku malejan mau ma buku.

Muminy 140

Min 10: Yijikish. Yivurisha in kulejan kutul rapor wau wa Kachirikin. Anch chikumangen chen chikukarumun yisu ya kukumangan mu muvu usu, yikasikesha nich musangar akadivar nau anambaz awonsu kukumangan pakad kujing ku yikumangan nich kulondul program musu wa chisu. Ikalany nich kashinsh anch in kwilej awonsu a Baibel ni antu akwau akad kulejanang kand iji yikarumun yiney.

Min 15: Yinkishany Amakurump Kalimish Kayifanyidina. Ankwash’a mudimu aad ap asatu isambidin pa Tour de Garde wa Kalol 1, 1999, paj 18-19. Isambidin piur pa midimu yivud yifanyidinau kusal amakurump, kuwejinaku mudimu wa ku mujimbu, yisend ya dijuku, ni midimu ya uteokras. Shinshikin mitapu tukutwisha etu awonsu kuyikasikesh, kuswapej chisend chau ni kulondul umutakel wau. Ankwash’a mudimu itiyin anch amakurump asadil mudimu umwing wa usey pantaliken ni chikumangen ni afanyidin “kalimish nakash.”​—⁠1 Tes. 5:​12, 13.

Min 20: “ ‘Antwarubil a Want Akweta Mushiku’ Chikunguril cha Distrik 2002 cha Atuman’a Yehova.”* Akuchipan kud kalam’a ujindj, nich kukasikeshin pa paragraf 4-11. Yisu yivud yikumangen akuyitazuk kuya kwi ndond ya chikunguril yawiy yimwing mud mu muvu wa 2001. jinsangu jikwau ni yikarumun yitwishikina akez kuyijikish kurutu kwa chisu kusutin mikand. Yikasikesha akadivar nau anambaz mulong wa kwirijek kurutu kwa chisu mud chifanyidina chakwel kukumangan ku chikunguril.

Muminy 219 ni dilembil dia nsudiel.

Rubing ra Chiwong 7

Muminy 20

Min 10: Yijikish.

Min 20: Salany Chipandikena Kuwap mu Mwom Wen. Yid ya dijuku yisambidin piur pa Tour de Garde wa Kafumpul-Mashind 15, 1998, paj 8-9. Tatuku ukatin dijuku dilondula njil yikeza kuyiletin musangar kupandakanamu njil yikeza kuyiletin mar. Awiy akat kushinshikin yiyul ya Baibel yidia mu mutu wa mulong winou yimekeshina mutapu wa kulam musangar wau, ni akasikeshidin pa usey wa kwikal adimukina, kwitekin jintong ja yom ya usey nakash, ni kwikal ni ruchingej mudiay Yehova. Ushinshikidin yitenchik kanang ya kusadil yikutwishau kusal mu dijuku.

Min 15: Tushinshikinany Chot Chetu cha Want. Diskur dikupanay mukurump. Tekin kashony pa mutapu udia Chot cha Want. Ov yom ik usadilany mulong wa kukomb Chot cha Want kurutu kwa Chivurikish? Ov chom ik chifanyidina kusambel bil kurijek kurutu kwa chinech? Rumburil mutapu ukutwisha kukwash chikumangen. Kasikeshin usey wa kushinshikin nawamp anch ndond yetu ya difukwil yimekeshin kwinang ni kalimish tupanina ku chikumbu cha Yehova.​—⁠Kus. 84:⁠1.

Muminy 126 ni dilembil dia nsudiel.

* Mazu mey ma kusambish nich kangal masut minit umwing, ni kupwa shinshikin misamb ni yipul ni yakul.