Kupan Uman​—⁠Jusqu’aux extrémités de la terre

Ov nany ukusota kutal band video Jusqu’aux extrémités de la terre tupamp tuvud? Adi antu akweta rutong ra kwikal amishoner. Ov mulong wak? Mulong wa kwijik nawamp Shikol ya Gilead ya Kwilej Baibel ya Watchtower. Band video uvurishin mivu 50 yawanyisha kal shikol yiney ya pakampwil, yatenchikau mulong wa kujimbish mudimu wa kulejan djat ni ku “misong yawonsu ya ngand.” (Kus. 22:27) Kutal band winou kukez kukukwash kukudish kusanger kwey mulong wa mudimu wa usey wa kulejan rusangu ruwamp ni kukubachik kuwejinaku mujikit wey. Tushinshikinany yipul yilondwila: (1) Mu mivu ya kusambish ya 1940, ov chom ik chezau kubangin nakash mu dirijek dia Yehova? (Midimu 1:⁠8) (2) Mu muvu wa 1942, ov uprofet ik ushimokishina wa Baibel wadinga mu kuwanyin, ni mutapu ik kwadinga kushalijan pakach pa mutapu wetu wa kuman yom ni wa mangand mawonsu ma kabuj? (Kuj. 17:8; w89 15/4 p. 14 par. 12) (3) Ov yitenchik ik yasalau chakwel kutaninamu ukwash pa chisu cha chisambu chela kwikalaku kupwa kwa Njit ya Mangand II? (jv p. 522 par. 1-2) (4) Ov ngikadil ik ya in kwilej a kalas ka kusambish ka Shikol ya Gilead yikusangareshina? (5) Mu mivu 50 ya kusambish ya Gilead, ov in kwilej inch atambwila kal madiplom, ni ayituma mwi ngand jinch? (6) Mafundish ik ma Baibel milejiningau chakin in kwilej shikol yiney? (7) Ov chom ik chikata kumwikadish mishoner nkaliweny muwamp ni mulej wa Dizu dia Nzamb? (8) Ov chom ik chifanikeshina mwom wa mishoner, ni yikokujol ik yikatau kurish nich? (9) Ov mutapu ik ukatau kwiyov amishoner piur pa mulad wa mwom wau, ni misangar ik ya pakampwil yikata kulet mwom wa kwipan? (10) Ov yibudikin ik yitambwilau tunan ni tunan twa amishoner djat ni nlel unou? Let yilikej. (11) Ov yom ik yikusangareshina piur pa akadivar ni anambaz ayila djat ni ku ‘misong ya mangand’ mulong wa kulejan? (12) Ov chilikej cha amishoner chikukasikeshin kusal ik, ni mulong wak?