Program Wa Yikumangan Ya Mudimu

Rubing ra Chiwong 14

Muminy 3

Min 10: Yijikish. Yijikish yifanyidina ya Mudimu Wetu wa Want. Isambinany kamushet “Yisak Yisu Yitenchikinau.”

Min 25: “Yiyul ya Mazu ma Kusambish Nich Misamb mu Mudimu wa Chingand.” Misamb ni in kutesh akuyipan kud Kalam’a mudimu. Wenjil winou ukwet yiyul ya mazu ma kusambish nich misamb yabudikina kal mu manimero makur ma Mudimu Wetu wa Want, pamwing ni yikwau yidia yisu. Jindond jidia wash ukutwish kujisadilany chakwel kufundamu yiyul yikwau yikeza kubudikin kurutu ni yimekena kwikal nich yibudikin yiwamp mu teritwar wen. Yita in kutesh kulejan mazu ma kusambish nich misamb makatilau nakash ni mulong wak. Salany chakumenaku chimwing ap yaad yikutwishau kusadil nawamp nich mukand wa kupan mu Kasan. Yikasikesha in kulejan awonsu kulam nawamp wenjil winou ni kumusadil chisu chawonsu chirijekinau mulong wa mudimu wa kulejan.

Min 10: “Yitukutwisha Kulond Piur pa Magazet.” Salany chakumenaku chimekeshina mutapu wa kupan Tour de Garde wa Chiwong 15 ni Réveillez-vous! wa Chiwong 22. Yikasikesha in kulejan awonsu kukwatikesh Dichuku dia Kupan Magazet.

Muminy 55 ni dilembil dia nsudiel.

Rubing ra Chiwong 21

Muminy 104

Min 10: Yijikish. Rapor wa chipau. Isambina kapalikany “Tekany Chom Kanang Kuns.”

Min 13: Ov Ukat Kushinshikinany Mufund wa Dichuku, Dichuku ni Dichuku? Misamb ya dijuku. Chakwel kuwejuku yiyukish ya misamb yau ya mufund wa dichuku, ashinshikidin Tour de Garde wa Kachirikin 15, 1996, paj 18, paragraf 13-14. Achirikidin mu wiswimp mifund yaad ap yisatu yashinshikidinau kamu katat, ni kurumburil mutapu rusangu ramekena kwikal ra ukwash nakash. Lejan usey wa kwel anch ditenchik dined dia kushinshikin mufund wa dichuku ni dichuku difanyidin kwikal chimwing cha yikunku ya program wakad kujing wa dilejan dia Baibel disadilau mu dijuku mulong wa kudandamen kwikal adimukina muspiritu.

Min 22: “Tudandamenany bil Kukimb Want.”* Wejinaku yipul yikemp pa manans majim madia mu Tour de Garde wa Mwinses 1, 1998, paj 19-21.

Muminy 168 ni dilembil dia nsudiel.

Rubing ra Chiwong 28

Muminy 196

Min 10: Yijikish. Yivurisha in kulejan kutul rapor wau wa mudimu wa Chiwong. Nich kusadil yiyul yidia pa paj 8, salany yakumenaku yiswimp yaad ya mutapu wa kupan magazet, chimwing chisadidilau Tour de Garde wa Kasan 1 ni chikwau chisadidilau Réveillez-vous! wa Kasan 8. Jimbul mikand ya kupan mu Kasan, ni kwisambin milong yijim yidia mu mikand yidia mwi nkil ya chikumangen.

Min 20: “Anvaj​—⁠Yifumbany Anen Kudiosh Kamu ku Wanikanch.”*Wejinaku yirumburil yidia mu Tour de Garde wa Ndol 15, 1998, paj 32. Yita anvaj kushimunin yibudikin yiwamp yamenau mu kusambish kuyifumb anau muspiritu kusambish kamu ku wanikanch.

Min 15: Maswir ma chikumangen. Yita in kulejan kushimunin yamenau mu kusadil buku Comment raisonner, kupan mabroshir kanang chakwel kwakul ku yipul ya antu, ap kupan dikasikesh dia Mifund didiokila mu broshir Quand la mort frappe un être aimé. Ukutwish chisu chimwing kuchirikin chakumenaku chimwing ap yaad.

Muminy 202 ni dilembil dia nsudiel.

Rubing ra Kasan 4

Muminy 212

Min 8: Yijikish.

Min 17: “Ov Akutwish Nchik Kutesh?”* Pwitin yitongijok ya in kutesh pa mutapu ukatau kusadil mifund. Wejinaku yipul ya paragraf 17-18 yidia pa paj 20 mu Tour de Garde wa Kafumpul-Mashind 15, 1998.

Min 20: Twisakinany Yitenchik ya Rukat. Diskur nend mukurump umwing chifuvu ukwisambina yarijekinau mulong wa kuyikwash akadivar pafanyidinau kukwat mipak mu milong ya chimwingang, chilikej kart Instructions médicales ni mitu ya milong Questions des lecteurs mu Tour de Garde wa Kalol 15, ni wa Mwinkind 15, 2000. Chikumangen chifanyidin kwikal nich uvud uwanyidina wa makart Instructions médicales. Kart winou akumapan kud in kulejan abatishinau kal kupwa kwa chikumangen cha urel winou, pakwez kakumwizwishap urel winou. Kart winou ufanyidin kwikal ni machuku ma ngond kupwa akumusinye kud mwin kart ni atuman pakusalau Dilejan dia Buku dia Chikumangen dikulondula, nich ukwash anch chiswiridikin wa ntakel wa dilejan dia buku. Antu akuteka sinyatir mud atuman afanyidin chakin kamu kuman sinyatir wa muntu amwinend pa kart. In kulejan akad kubatishau kal akutwish kwifundin ayinau yany yau ni ya anau kwambatanish nich yifundinau pa kart nich mwikadil wau ni yitiyij yau ayinau. Kasikeshin anch chidi cha usey kukwat mipak ya chimwingang kurutu kwa chisu kulondulijan nich kom kau kafundishinau nich Baibel. (Jinsw. 27:12; 14:15) Chidi cha usey kusambel kwambamb nau amingang chakwel kuyirumburil patok milad ya chimwingang ni mon tukutwisha kwitiyij. Dilejan dia muntu ipend dia kashinsh didi dia ukwash chakwel kukwat mipak yiwamp. Kutang maparagraf mafanyidina ma Tour de Garde malejenau. Amakurump akutwish kulet ukwash wau, pakwez kakutwishap kukwat mipak pa ndond ya antu akwau. Rumburil mutapu wa kufund mipak yiney.

Muminy 224 ni dilembil dia nsudiel.

* Mazu mey ma kusambish nich kangal masut minit umwing, ni kupwa shinshikin misamb ni yipul ni yakul.