Yijikish

◼ Mikand ya kupan mu Kasan: La Révélation: le grand dénouement est proche!, La vie: comment est-elle apparue? Évolutions ou création?, ap buku mwin mwawonsu mukur ukweta mapaj-192 udia mwi nkil ya chikumangen. Rish: Ronganyin Ritwadila ku Mwom wa Chikupu. Chifanyidin kusal usu wa pakampwil chakwel kusambish malejan ma Baibel. Ndol ni Ndol-Mem: Tour de Garde ni Réveillez-vous! Panany broshir Nzamb Witin, nich rutong ra kusambish malejan ma Baibel.

◼ Mulong wa kukarumun kujim kwasadikina piur pa mabonema ku magazet ni ku maband kaset, tusotin kukwijikishany manans malondwilaku am: kusambishin pa nimero wa Rish 1 ni Rish 8, 2002, mabonema akez kumaswinkan kud makampany ma magazet makusalau in kulejan. Biro wa mutiy ukez kutum kapamp kamwing mabonema minam ma mu jindim ja wingendj mud komand wa chisu chawonsu wa chikumangen. Chinech chirumburikin anch manimero ma nsudiel makutambulau mud abonema mu jindim ja wingendj makwikal manimero ma Kasan 15 ni Kasan 22, 2002 (Kasan 1 ni Kasan 8, 2002 anch ukat kubudik kapamp kamwing pa ngond). Chisu chitina yikumangen magazet mu jindim ja wingendj, yifanyidin kwizwish fomu M(d)-202-F Demande pour congrégation: périodique / Ministère du royaume. Abonema mwin mwawonsu wa maband kaset ma kutesh akez kumwit chilik chimwing mud mabonema ma magazet, chirumburikin anch nich kwizwish fomu M(d)-202-F. Shinshikinany amboku yilondila mikand “Instructions pour la demande de Publications” S(d)-15a-F Cn.

◼ Kalam-ntakel ap muntu mukwau ukutonday ufanyidin kutadil chipau cha chikumangen pa Rish 1 ap machuku makemp kwinyim kwa dichuku dined. Kupwa, akwijikish chikumangen anch atadidil chipau.

◼ Kalam’a ujindj ni kalam’a mudimu akushinshikin mujikit wa ayibol a rawonsu awonsu. Anch amwing chiyikasikedin kuwanyish kuvul kwa asaa ayitinau, amakurump afanyidin kwirijek mulong wa kuyikwash. Piur pa yiyul, chirikinany mikand ya muvu S-201. Talany kand wenjil wa Mudimu Wetu wa Want wa Ndol-Mem p. 3, paragraf 1-9 1987 (Français).

◼ Diskur dia pakampwil dia pa chirung cha Chivurikish cha 2002 akudipan Diarubing, pa Ndol 14. Diskur dined dikwikal ni mutu wa mulong “Lamany mu Manangu ‘Dichuku Diamushena’!” Akupan plan wa diskur dined. Yikumangen yikwendilau kud kalam wa munyimuku, yikwikala ni chikumangan cha munyimuku ap cha pakampwil cha dichuku dimwing rubing rinira yikwikal nich diskur dia pakampwil pa rubing rikulondulaku. Kwikil chikumangen ap chimwing chikusala diskur dia pakampwil kurutu kwa Ndol 14, 2002.

◼ Réveillez-vous! wa Rish 15, 2002 ukwisambin piur pa mutu wa mulong “Alej​—⁠Ov chom ik tukutwisha kusal pakad awiy?” pa kuman usey wa mutu wa mulong winou, akez kuwejinaku manimero 20 pa chitot

◼ Tour de Garde wa Rish 15, 2002 ukwisambin piur pa umutakel wa Kristu piur pa chikumangen. Pa kuman usey wa mutu wa mulong winou, akez kuwejinaku ku komand wa chikumangen ni chikumangen manimero 10 ma Tour de Garde winou.

◼ Tusotin kwijikish chisak chawonsu cha amakurump yifanyidina kusal chakwel kulam maplan ma madiskur matambwilau kal: 1) Kalam-ntakel ufanyidin kumalam nawamp, kumatek pa ndond yifanyidina, mu dosiye umwing wa rawonsu wa maplan mawonsu. 2) Ndiy ukumwinkish mwin kulond fotokopi wa diskur kakumwinkap plan mwin wa diskur bwat. 3) Diskur dined dimwing akutwish kudipan kand kud mwin kulond windjing. 4) Andjikany amboku kapamp kamwing maplan masu matuminau mu dosiye wen. 5) Ijikany anch Sosait ukat kuchirikinang kand kusal maplan ma madiskur masu ching anch kudi yikarumun kampand mu diskur kanang. Pa chinech chifanyidin kwapul plan mukuru ni kumuswinkesh nich musu. Kusadil mutapu winou kukat kutwishish chikumangen kutesh madiskur ma pibur marijekinau kud Chisak Chitakedina.

◼ Mikand Yisu Yidiaku:

Inglish, Français: Kalandrie 2002.

Otetela: Prêtons attention à la prophétie de Daniel!