Program Wa Yikumangan Ya Mudimu

Rubing ra Rish 11

Muminy 2

Min 13: Yijikish. Yijikish yifanyidina ya Mudimu Wetu wa Want. Nich kusadil yiyul yidia pa paj 8, salany yakumenaku yaad yishalijadina piur pa mutapu wa kupan Tour de Garde wa Rish 15 ni Réveillez-vous! wa Rish 22. Mu chimwing ni chimwing, lejan mutapu kushalijan wa kupwish chikangesh misamb: “Yinsangareshinap kwam.”​—⁠Tal buku Comment raisonner, paj 16.

Min 12: Tulamany Kulik Kwipachikamu Kwetu kwa Ukristu. Diskur dikupanay mukurump umwing chifuvu. Ulejen patok anch spiritu wa wan-a-ngand upalangen ndond yawonsu ku shikol, kwi ndond ya mudimu ni kusutin kud amutej netu. Antu avud akata kukasikesh spiritu winou akat kusalang mwamu mud njil yau ya kupandakan runeng rikwetau ni kusansan kwa yinship ya mar ma michid. Chikalap nchik mwamu ni yetu tudi akwachikina nich yitumena mu mangand, pakwez, etu twovil kurumburik kwa chipul chijim cha ukaleng wa mangand mawonsu ni tudi ongojinau nich uruu wa Want. Chisu tukata kuyirumburil antu akwau nich kusadil kubabal mulong wak tukatap kwinung mu mijikit ya wan-a-ngand, tufanyidin kand kuyongoj nich ruchingej twatana kal mu Dizu dia Nzamb. Broshir Les Témoins de Jéhovah et l’instruction, paj 20-24, mwishin mwa ka mutu “Le salut au drapeau,” urumburil mulong wak tukatap kwiyandjik mu misamb ya wan-a-ngand. Isambina milong yijim, kupwa yikasikesha anvaj kuchirikin rusangu riner nawamp kamu pamwing ni anau. Rumburil uman udia pa paj 20 mu broshir. Kasikeshin kuswir kwa kupan difukwil ching kusu kud Yehova amwinend, pituyilimishina kand anyikel a maguvernema.

Min 20: ‘Ikalany Ampich mu Midimu Yiwamp.’* Akuchipan kud kalam’a mudimu. Yikasikesha antu awonsu kusadil pamwing mu mujikit chakwel kwirijek mulong wa musambu wa Chivurikish pa Rish 28. Isambina mutapu ukutwishau kusadil diladikij dichapinau mu mutapu umwing upandikena kuwap. Yipula in kulejan kushimunin mutapu watwishau kuyitazuk anamakwau, amutej nau, in kwilej Baibel, ni antu akwau asangaredina chakwel kwez kukumangan ku Chivurikish cha muvu wasutina ou ni mutapu chaleta musangar. Yikasikesha awonsu akutwisha kusal mudimu wa uchibol nkwash mwi Ndol kutambul fomu kupwa kwa chikumangan.

Muminy 82 ni dilembil dia nsudiel.

Rubing ra Rish 18

Muminy 7

Min 10: Yijikish. Rapor wa chipau. Mutu wa mulong “Yivurish ya Chivurikish.” Yikasikesha antu awonsu kulondul program wa Chivurikish wa kutang Baibel wa Rish 23-28, mud kamu chimufundinau mu Examinons les Écritures chaque jour​—⁠2002.

Min 15: “Izwila Nich Musangar wa Kwikal mu Uumwing Nend Yehova ni Mwanend.” Diskur dia chirungil diengamidina pa Mifund dikupanau kud mukurump. Mukasikesha muntu ni muntu kusal usu wa pakampwil wa kusambish kamu katat djat ni ku Rish 28 kuyitazuk antu avud mud chitwishikina kwez kukumangan pamwing netu ku Chivurikish.

Min 20: Ov, Annuaire Ukweting Ukwash ik kud Ey? Diskur ni misamb pamwing nau in kutesh. Cha kusambish, tang ni kupwa kasikeshin milong yijim yidia mu “Mukand wa Chisak Chitakedina.” Kupwa yipula in kukumangan kushimunin rapor ni uman udia mu Annuaire 2001 umenau anch udi wa dikasikesh dia pakampwil ni ukasikeshina ritiy. Yikasikesha awonsu kutang Annuaire 2002 mwawonsu anch udiaku ni kumusadil chakwel kuyikwash nawamp in kwilej Baibel kwiyijidish nich dirijek dia Yehova.

Muminy 45 ni dilembil dia nsudiel.

Rubing ra Rish 25

Muminy 12

Min 14: Yijikish. Rumburil anch kand kal chikala cha kucheleu chakwel kwizwish fomu wa kusal mudimu wa uchibol mwi Ndol. Nich kusadil yiyul yidia pa paj 8, mukurump umwing ukusal chakumenaku cha mutapu wa kupan Tour de Garde wa Ndol 1 ni nsand umwing ulejen mutapu wa kupan Réveillez-vous! wa Ndol 8. Kupwa kwa kusal chakumenaku chimwing ni chimwing, kasikeshin yikunku yimwing yiwamp ya mazu ma kupan nich gazet.

Min 15: Maswir ma chikumangen.

Min 16: Tusadilany Buku Comment raisonner Mulong wa Kupan Dikasikesh. Misamb pamwing nau in kutesh. Muntu ni muntu ukwet kuswir kwa dikasikesh dia rukat chisu ni chisu. Chawiy lel, tufanyidin etu awonsu kuman usey wa “kulond nich kongoj” nau antu akwau, pamwing ni antu amena mar tukata kusankan mu mudimu. (1 Tes. 5:​14, NW) Nich kusadil buku Comment raisonner, yipula in kutesh kujimbul dikasikesh dia Mifund difanyidinau kupan kud muntu umena yoziu mud yilejenau pa paj 119-122. Pan chiyul anch muntu ni muntu ukat kupakish kumukasikesh muntu kanang chisu kudia kuswir.​—⁠Gal. 6: 10.

Muminy 131 ni dilembil dia nsudiel.

Rubing ra Ndol 1

Muminy 27

Min 7: Yijikish. Yivurisha in kulejan kutul rapor wau wa mudimu wa Rish.

Min 18: “ ‘Amakundj mud Yipan’ Akat Kulam Amikoku a Nzamb Nich Mushiku.” Diskur dikupanay mukurump diengamidina pa mutu wa mulong udia mwi wenjil. Isambina piur pa mifund yijimbwilau. Lejan mutapu ukutwisha uman ukasikeshina kwikal nich chibudikin mu kubing kwa antu akad kutulang kand rapor wau wa mudimu ni kuyikwash ayibid kusal yikutwishau kusal. Atufung in rukat akat kumekeshang kusanger kwau mulong wa usey wa usu wawonsu usadilau amikoku chakwel kushal akata kusal mu mudimu wa Yehova.

Min 20: “Tukudishany Musangar Wetu mu Kulejan.”* Chisu wisambidina paragraf 5, it yiyul yisadila piur pa mutapu wa kusongish mabuj mavud mu teritwar wetu. Salany chakumenaku chimwing ap yaad yilejena mutapu tukutwisha kusambish chakwel kumushejin muntu ni kumwinkish uman wiswimp. Mukasikesha muntu ni muntu chakwel kwisakin yisu ya kupan uman rubing riner.

Muminy 15 ni dilembil dia nsudiel.

* Mazu mey ma kusambish nich kangal masut minit umwing, ni kupwa shinshikin misamb nich yipul ni yakul.