Program Wa Yikumangan Ya Mudimu

Rubing ra Mwinkind 14

Muminy 103

Min 10:Yijikish. Yijikish yifanyidina ya Mudimu Wetu wa Want. Yikasikesha antu awonsu kutal band video Les jeunes s’interrogent. . . Comment se faire de vrais amis? mulong wa kwirijek ku misamb ya Program wa Chikumangan cha Mudimu cha rubing ra Mwinkind 28. Salany yakumenaku yaad yiswimp piur pa mutapu wa kupan Tour de Garde wa Mwinkind 15 ni Réveillez-vous! wa Mwinkind 22 kwambatan nich yiyul yidia pa paj 8. Mu chakumenaku chimwing ni chimwing, lejanany mutapu kushalijan wa kupandakan chikangesh misamb “Nij nawamp mudimu wen.”​—⁠Tal buku Comment raisonner, paj 20.

Min 15:Maswir ma chikumangen.

Min 20:“Mutapu Ukatau Atulam a Dilejan dia Buku dia Chikumangen Kumekesh Kubangin Padiay Muntu ni Muntu Ipend.” Misamb ya yipul ni yakul yikupanau kud Kalam wa Dilejan dia Buku dia Chikumangen. Mu yirumburil ya kusambish nich, rumburil mu wiswimp mutapu wasambisha ditenchik dia dilejan dia buku. (jv 237 par. 4) Tenchik kurutu kwa chisu in kulejan aad ap asatu chakwel apana yirumburil piur pa mutapu watambwilau ukwash udiokila ku kubangin kwa muntu ipend kwayimekeshinau ku Dilejan dia Buku dia Chikumangen.

Muminy 65 ni malembil ma nsudiel.

Rubing ra Mwinkind 21

Muminy 206

Min 10:Yijikish. Rapor wa chipau.

Min 35:“Twisakinany Sens Chikunguril cha Distrik ‘Antwarubil a Want Akweta Mushiku.’ ” Akuchipan kud ntakel wa Dilejan dia Tour de Garde. Kupwa kwa mazu ma kusambish nich mu minit umwing, takel misamb pamwing nau in kutesh piur pa program wa chikunguril cha distrik, nich kusadil yipul yarijekinau kal yidia mu mutu wa mulong winou. Londul chisu chey nawamp kamu. Ukutwish kurumburil mu wiswimp mulong wa kuyivurish in kukutesh milong yijim mu manangu. Anch chifanyidin, yipula in kutesh alejana mutapu wasadidinau yom yilejau ni ukwash ik watambwilau mu kusalang mwamu.

Muminy 194 ni malembil ma nsudiel.

Rubing ra Mwinkind 28

Muminy 110

Min 8:Yijikish. Yikasikesha antu awonsu chakwel kuchirikin yom yafundau ku program wasutina wa chikumangan cha pakampwil cha dichuku dimwing mulong wa misamb ku Chikumangan cha Mudimu cha rubing rilondwilaku. Yivurisha in kulejan kutul rapor wau wa mudimu wa Mwinkind. Nambaz umwing ukusal chakumenaku piur pa mutapu wa kupan Tour de Garde wa Kalang 1 ni mukadivar ukusal chakumenaku piur pa mutapu wa kupan Réveillez-vous! wa Kalang 8, kwambatan nich yiyul yidia pa paj 8. Kupwa kwa chakumenaku chimwing ni chimwing, kasikeshin mu wiswimp mutambu uwamp wa misamb.

Min 12:Yamenau mu mudimu wa kulejan pol pen. It chikumangan kushimunin uman wasangaredinau padingau ni kuya ku chikunguril cha distrik ni pa kuchirik, chisu chadingau ku chikunguril, ap mu kupan uman wa kukashimwish mu mudimu wa kulejan, ku shikol, chisu cha kuya kuland yom, ap mu midimu yikwau kand.

Min 25:“Chakul Chimwing Chisangareshina!” Mazu mey ma kusambish kangal masut minit umwing. Mu paragraf wa 1, it chikumangen kuwejinaku uman wiswimp piur pa band video Les jeunes s’interrogent. . . Comment se faire de vrais amis? Kupwa sambish kapamp kamwing misamb nau in kutesh nich kusadil yipul yirijekinau mu paragraf 2-7.

Muminy 41 ni malembil ma nsudiel.

Rubing ra Kalang 4

Muminy 66

Min 10:Yijikish. Chirikin mu wiswimp yiyul yikemp yidia mwi wenjil wa Mudimu Wetu wa Want wa Chiwong 2002 mulong wa misamb ya kupan nich broshir Nzamb Witin ni buku Ronganyin. Salany chakumenaku nich kusadil chimwing cha misamb ya kupan nich yiney.

Min 13: “Rusangu Ruwamp ra Nzamb Rinkwatishinap Usany. ‘’ (Rom 1:16) Nsangarum ukweta mulong wisambin pamwing ni tatukwend. Nsangarum ukat kwidjidjek chakwel kangal ijikana mud Kaman wa Yehova mulong wa wom wa kumuswingish kud arund nend. Tatuku umujikitishin mulong wa kulond kwend kwakin piur pa mulong winou. Ushimunin yasalay Pita mulong wa yipwichik ya ambay nend. (Mat. 26:​69-74) Kupwa tatuku upanin chiyul chilondwila ech: Tufanyidinap kwov usany ap pakemp mulong wa kwikal kwetu in Kristu. (Marko 8:38) Chidi cha ukwash nakash kwiyijikish amwiney mud Kaman ku shikol. Anch ijik mwamu, alej avud akulimish yitiyij yey ni kakezap kupakish kukwandjik mu mijikit umena anch yidi yiyimp. Ansand akad kwikal nich yany kakutwishap kupakish kukubachikin mu kusal yom yiyimp. Arund akwau a shikol akez kwikal tayad kutesh mulong wak usadilap misambu ya yom yisadikina katat, kwiyandjik mu masengan ma spor kupwa kwa yisu ya shikol, ap kusadil nau pamwing mu mijikit kupwa kwa shikol. Anch chisu chidiaku, tatuku ni nsangarum akwisambin manans madia mu kamutu ka mulong “Kulejan Patok Urund Wey ni Nzamb” kadia mu buku Les jeunes s’interrogent, paj 315-318. Nsangarum ukupan kujikitish mulong wa chiyul.

Min 22:“Chawiy Muziyilany Nzamb​—⁠Pakwez Rishany Nend Sakudimban.” (Jak. 4:⁠7) Mukurump ukutakel misamb ya chirungil nau in kutesh piur pa program wa chikumangan cha pakampwil cha dichuku dimwing chasadikina mu muvu wa mudimu wasutina ou, kwambatan nich yipul yarijekinau yidia pinap. Yita akadivar kushimunin mutapu watwishinau kusadil yom yilejau. (Yikunku akutwish kuyipan kurutu kwa chisu.) Kasikeshin yikunku ya program yilondwila ey: (1) “Kumuziyil Nzamb mu Mangand Mamwing Madia mu Uswik.” Ov mulong wak tufanyidina kubabal chakwel kwipuk mipit ya mangand? (2) “Kumekesh Kuziyil kwa Winzamb Mud Yid ya Dijuku.” Mulong wak kudia maswir makash mu dirijek dia Yehova chakwel kukasikesh urund wa dijuku? Mutapu ik tukutwisha kusal mwamu? (3) “Tuyikwashany in Kwilej Achidia Asu Kujijamen ku Mutambu wa Yehova.” Mutapu ik tukutwisha kuyikwash antu asu kupandakan yikangesh yipakina ritiy rau? (4) “Chirumburikin ik Kumurishish Djabul.” Chom ik chidia cha usey chakwel kumupandakan Djabul? Ov mutapu ik yom ya njit ja muspiritu yirumburilau mu Efes 6:​11-18 yikata kutulam? (w92 15/5 21-23) (5) “Ansand Arishina chakwel Kumupandakan Muntu Muyimp” ni “Ansand Atambwila Ukwash Udiokila ku Kuziyil kwa Winzamb.” Mipit ik yikwau yikatay kusadil Satan yifanyidinau kubabel ansand? Mutapu ik ukatau kutan ansand difut mulong wa kuziyil kwau kud Yehova? (w90 1/8 13-14, par. 15-17) (6) “Tutambulany Ukwash Udiokila ku Kuziyil kwa Winzamb.” Rumburil mutapu ukatau kumekesh in Kristu kuziyil kud mburamatad, kud amakurump a midimu, mu dijuku, ni mu chikumangen cha Ukristu. Ngikadil ik yikutukwasha kusal mwamu?

Muminy 185 ni malembil ma nsudiel.