Program Wa Yikumangan Ya Mudimu

Rubing ra Kalol 9

Muminy 81

Min 10:Yijikish. Yijikish yifanyidina ya Mudimu Wetu wa Want. Salany yakumenaku yaad kushalijan, kwambatan nich yiyul yidia pa paj wa 8, yilejena mutapu wa kupan Tour de Garde wa Kalol 15 ni Réveillez-vous ! wa Kalol 22. Mu chakumenaku chimwing ni chimwing, ufanyidinany kupan magazet mawonsu maad, ap anch umwing ndiy upaninau. Wejinaku mufund wa Baibel mu chakumenaku chin chawonsu.

Min 15:“Mudimu wa Ukristu​—⁠Mujikit Wetu wa Kusambish.”* Yikasikesha ansand kutongijokin nakash pa yiyukish yikutwishau kutambul kusutil kwandam mu mudimu wa chisu chawonsu. Wejinaku yirumburil piur pa yom yidia mwishin mwa mutu wa mulong “Chisu Kudia Kulik Kovijan Pakach pa Yishankur ni Kom,” mu Tour de Garde wa Kalang 1, 2000, pa paj wa 19-20.

Min 20:“Panshon​—⁠Ov wazuril Chis ku Mujikit Wiwejidinaku?”* Anch chitwishikin, wejinaku interview mwiswimp wa mwin kulejan umwing watambwila panshon wend ku mudimu wa ku mujimbu chakwel kusal yivud mu mudimu wa Yehova. Mwipula alejana yitenchik ik yasalay ni yiyukish yatambulay mud chibudikin.

Muminy 190 ni malembil ma nsudiel.

Rubing ra Kalol 16

Muminy 55

Min 8:Yijikish. Rapor wa chipau.

Min 12:Maswir ma Chikumangen.

Min 25::“Ikal Nich Mushiku mu ‘Kupan Uman.’ ”* Sadil yipul yirijekinau. Kupwa kwa kwisambin paragraf wa 5 ni wa 6, wejinaku chakumenaku chiswimp cha kupan uman wa kukashimwish kud mwin makashing ni kumwinkish trakt Aimeriez-vous en savoir plus sur la Bible ?, anch udiaku. Kurutu kwa kwisambin paragraf wa 7 ni wa 8, chifanyidin kumatang nich dizu dizambukina. Pa kupwish, tang ni kwisambin kamushet “Kangal Wayivuramenany!”

Muminy 131 ni malembil ma nsudiel.

Rubing ra Kalol 23

Muminy 95

Min 10:Yijikish. Salany yakumenaku yaad kwambatan nich yiyul yidia pa paj wa 8, yilejena mutapu wa kupan Tour de Garde wa Kafunfut 1 ni Réveillez-vous ! wa Kafunfut 8. Mu chakumenaku chimwing ni chimwing, ufanyidinany kupan magazet mawonsu maad, ap anch umwing ndiy upaninau. Mu chimwing cha yakumenaku yiney, mekesh mwin kulejan wipanina mu kupan uman wa mu balibal.

Min 20:Ov Chom ik Chifanyidina Kusal Piur pa Kuburen Kukankaman? Diskur ni minsamb nau in kutesh dimanyidina pa Tour de Garde wa Kalang 15, 1999, pa paj wa 28-29, ditakedinau ni kuwejinaku mutu wa mulong “Kulam Mwikadil Uwamp wa Manangu.” Chirikin yiyul yifanyidina kusadil pamwing nich yiyul ya Mifund ya Baibel. Rijek kurutu kwa chisu chakwel mwin kulejan umwing ap aad ayifuvu arumburila chom chiyikwashina kulam musangar mu mudimu wau wa kulejan.

Min 15:“Kulejan mu Mangand Mamwing Madandamedina Kukarumok.”* Chisu wisambidinanya paragraf wa 2-3, yipula in kutesh chinship cha katat chikutwishau kusadil mulong wa kusambish mambamb mu teritwar wa pol pau. Piwisambidinanya paragraf wa 4, salany chakumenaku chiswimp, nich kusadil chimwing cha mazu ma kusambish nich minsamb malejenau.

Muminy 15 ni malembil ma nsudiel.

Rubing ra Kalol 30

Muminy 3

Min 10:Yijikish. Yivurisha in kulejan kupan rapor wau wa mudimu wa Kalol. Chirikin mukand wa kupan mulong wa Kafunfut ni Kafumpul-Mashind. Isambina mabroshir maad madia mwi nkil yen. Salany chakumenaku chimwing chirijekinau nawamp cha mutapu wa kupan mabroshir minam mu mudimu wa kulejan. Mulong wa yiyul ya mazu ma kupan nich, talany Mudimu Wetu wa Want wa Kafumpul 1998 pa paj wa 8. Mazu ma kupan nich makwau akutwish kumatan mu Index des Publications de la Société Watch Tower mwishin mwa “Mazu ma Kusambish Nich Minsamb” ni mutu wa mulong udia pakach “List wa Mikand.”

Min 15:“Ayibid​—⁠Pakwez Asongishina Mabuj.”* Wejinaku mazu piur pa mutapu ukutwishau antu akwau kuyikwash, mimanyidina pa Réveillez-vous ! wa Kafumpul-Mashind 22, 1990, pa paj wa 22-23, mwishin mwa mutu wa mulong “Chom ik Chifanyidina Kusal?”

Min 20:Tusadilany Dizu dia Nzamb mu Mutapu Umwing Usongina Mabuj Chakwel Kulejan Want. Minsamb nau in kutesh yikupanau kud kalam’a mudimu. Pakach pa muntu ni muntu tusankena mu mudimu, tukat kusal usu nakash chakwel kulejan Mufund wa Baibel ukasikeshidina piur pa Want. Pakwez, tuswiridin kusal yivud kupandakanamu kusu kutang mufund wa Baibel. Tuswiridin kurumburil, kovikesh kusutin ku yilikej, ni kuyisadil. Lejan mutapu chikutwisha kusadik, nich kusadil yilikej ya mifund yimwing yijimbwilau mu buku Comment raisonner, pa paj wa 174-175, mwishin mwa mutu wa mulong wa mamuny malela “Antakel a Chimuntu Kawanyishinap Yom ya Usey Nakash Yiswiridinau Antu.” Kupwa kwa minsamb, mwin kulejan umwing wirijekang kal nawamp asala chakumenaku cha mutapu wa kusadil nich usu mufund umwing wa Baibel pa kuchirikinamu kusu, kurumburil mu wiswimp, kovikesh kusutin ku chilikej chiswapela, ni kusadil mu wiswimp chakwel kumulej mwin chikumbu mutapu ukeza Want wa Nzamb kwikal wa ukwash kudiay ndiy. Sambish chakumenaku nich mwin kulejan utangina mufund wa Baibel. Kupwa kwa chakumenaku, chirikin mutapu warumburilangay mufund, mutapu wovikeshangay kusutin ku yilikej, ni wausadilangay. Yikasikesha awonsu kukudish ukaliweny wa kusadil Dizu dia Nzamb mu mutapu umwing usongina mabuj.

Muminy 171 ni malembil ma nsudiel.

Rubing ra Kafunfut 7

Muminy 165

Min 5:Yijikish.

Min 15:Yamenau mu mudimu wa kulejan pol pen. Lejan ap kuchirikin milong yamanau in kulejan a pol pen mu mudimu wa kulejan chisu: (1) chadingau ni kupan uman ku yisak ya antu kushalijan ap antu alondila rudim rikwau ap (2) chisu chadingau mu mulad ukwau wa kulejan wakad kwikal mudimu wa ku chikumbu ni chikumbu ni wa mu balibal. Yikasikesha awonsu kusadil nawamp kabroshir Une bonne nouvelle pour toutes les nations ni asadila amboku forme (S-43) kusambish kamu chisu chisankenau antu alondila rudim ra wingendj.​—⁠ tal Yijikish mu Mudimu Wetu wa Want wa Mwinses 1999, paj wa 2.

Min 25:‘Twijikeshany Dijin dia Nzamb.’* Sadil yipul yirijekinau. Chisu ushinshikidinany paragraf wa 4, wejinaku yirumburil yidia mu mushet “Akat Kwijikish Dijin dia Nzamb” yidia pa paj wa 124 wa buku Prédicateurs. Mwin kulejan umwing chifuvu asala chakumenaku chimwing cha kuchirikinamu kusu. Usadidin mufund umwing ap yaad ya mu buku Comment raisonner, pa paj wa 200-201, yilejena mulong wak chidia cha usey kwijik ni kusadil dijin din kamu dia Nzamb.

Muminy 197 ni malembil ma nsudiel.

* Mazu mey ma kusambish kangal masut minit umwing, ni kupwa shinshikin minsamb nich yipul ni yakul.