Yitukutwisha Kulond Piur pa Magazet

LA TOUR DE GARDE wa Kalol 15

“Antu amwing atongining anch Yesu wading muntu upandakena kujimb mu rusangu ra mangand. Akwau akat kutadik anch kadingakwap. Ov utongin anch chidi cha usey kwitiyij piur pend? [Kupwa kwa chakul, tang Midimu 4:12.] Ov uman ik umekeshina chakin anch Yesu washakama pa divu? Gazet winou ushinshikidin chipul chinech.”

Réveillez-vous! wa Kalol 22

“Antu avud akamin piur pa mwikadil utunyingumukina. Ov utongin anch chikwikal chitwishikina kuchidij matikit ma chitalosh ma pa mangand? [Mulika muntu akula.] Gazet winou urumburil piur pa usu usadinau katat chakwel kuchidij matikit ma chitalosh. Urumburil kand mutapu ukeza kuwanyin kushilamu kwinoku kupandakena kuwap kwa Nzamb.” Tang Isay 11:9, NW.

LA TOUR DE GARDE wa Kafunfut 1

“Chimwing cha maswir metu ma pa dishin mapandakena kujimb chitudia antu chidi kumukat muntu ni kwikal ukatinau. [Tang mutu wa mulong udia pa paj wa 4.] Chikwau kand, ov wamen kal anch chisak cha katat chiyil ni kutek pa ndond ya kusambish yom yindj? [Mulika muntu akula.] Gazet winou wambambidin chirumburikina rukat ra kashinsh ni mutapu rikutwisha kujimb.” Tang 1 Korint 13:2.

Réveillez-vous! wa Kafunfut 8

“Antu avud amen kwiwejinaku kwa yisal ya usup ya chisum yiletina twinvundangesh. [Jimbul chilikej chimwing chijikena pol pen, ni mulika muntu akula.] Gazet winou ushinshikidin milong yimwing yitwadila ku yisal ya wimpongarik ya chisum. Urumburil kand mutapu ukezay Nzamb kushesh wimpongarik ni chisum kapamp kamwing kamu ni chikupu.” Tang Kus 37:10, 11.