Program Wa Yikumangan Ya Mudimu

Rubing ra Kafumpul-Mashind 11

Muminy 101

Min 10:Yijikish. Yijikish yifanyidina ya Mudimu Wetu wa Want. Salany yakumenaku yaad yilejena mutapu wa kupan Tour de Garde wa Kafumpul-Mashind 15 ni Réveillez-vous! wa Kafumpul-Mashind 22, kwambatan nich yiyul yidia pa paj wa nsudiel anch madiaku, ap anch kwikil panany ma ngond wasutina. Mu chimwing ni chimwing, lejanany mutapu wa kupandikan chikangesh minsamb “Nikwatiken nakash.”​—⁠Tal buku Comment raisonner, pa paj wa 19.

Min 15:“Twimburijany Uwamp wa Yehova.”* Yita in kukumangan kushimunin uman wiswimp ulejena mutapu yisal ya rukat yafungula chis cha kupan uman. Jikitish chikumangen mulong wa usu chisadila chakwel kuyikwash ambay nau akaritiy.

Min 20:“Yiyukish ya Mudimu wa Uchibol.”* Sadil yipul yirijekinau. Mwita chibol umwing ap aad kurumburil piur pa yiyukish yatambulau mu kusal mudimu wa uchibol. Lejan anch muntu win mwawonsu usangera kusal mudimu wa uchibol ukutwish kutambul fomu kudia kalam’a ujindj.

Muminy 11 ni malembil ma nsudiel.

Rubing ra Kafumpul-Mashind 18

Muminy 82

Min 12:Yijikish. Rapor wa chipau. Isambina “Program Musu wa Chikumangan cha Pakampwil cha Dichuku Dimwing.” Ijikish dichuku dia ngond dikusadika chikumangan cha pakampwil chezinaku, ni yikasikesha awonsu kwez kukumangan. Anch chikumangan chikez kusadik kwinyim kwa angond ezina piswimp ap, ijikish anch antu asotina kubatishiu afanyidin kumwijikish kalam-ntakel.

Min 15:“Mudimu Ukasikeshina.”* Irijeka kurutu chakwel akadivar aad ap asatu apana yirumburil piur pa mutapu wayikasikesha mudimu wa Ukristu.

Min 18:“Tulamany Ndond Yetu ya Difukwil Yinangina.”* (Paragraf 1-5) Sadil yipul yirijekinau. Piukwisambina paragraf wa 3 ni wa 4, chirikin yitenchik ya pol pen mulong wa kukomb mu Chot cha Want. Pwitin manangu pa yom yifanyidina kuta muchim. Jikitish chikumangen mulong wa usu wach wa kulam ndond yimwing yifanyidina mulong wa difukwil diakin.

Muminy 114 ni malembil ma nsudiel.

Rubing ra Kafumpul-Mashind 25

Muminy 175

Min 10:Yijikish. Salany yakumenaku yaad yilejena mutapu wa kupan Tour de Garde wa Mwinses 1 ni Réveillez-vous! wa Mwinses 8. (anch madiaku, ap anch kwikil panany ma ngond wasutina) Mu chakumenaku chimwing ni chimwing nvaj ni mwan ikundj ap mband ukweta dikum dia mivu akat kwiyijidish mutapu wa kupan magazet mu mudimu. Achirikidin mu wiswimp chiyul cha mazu ma kupan nich chimwing ku chimwing kurutu kwa kusal chakumenaku.

Min 15:Maswir ma chikumangen.

Min 20:Jijamanany Chakwel Kulejan. (1 Tes. 2:⁠2) Diskur ni minsamb pamwing nau in kukumangan. Lejan mulong wak antu avud akat kov wom wa kuyishejil antu nich uruu wa Want. Chinech chidi chakin ap ku mutambu wa antu asadila kal mudimu wa kulejan mivu yivud. Isambina umwing wa uman udia mu Tour de Garde wa Kachirikin 1, 1999, paj wa 25; wa Kachirikin 15, 1999, paj wa 25; ni wa Ndol 1, 1996, paj wa 31. Yita in kukumangan kurumburil mutapu watwishau kujijaman kulejan rusangu ruwamp mu yisu yovau wom. Pwishany nich dikasikesh dia kutambul usu kudiokal kudiay Yehova, kwengamin pa Tour de Garde wa Kachirikin 15, 1999, paj wa 23-24.

Muminy 125 ni malembil ma nsudiel.

Rubing ra Mwinses 1

Muminy 84

Min 10:Yijikish. Yivurisha in kulejan kutul rapor wau wa mudimu wa chingand wa Kafumpul-Mashind. Ijikish mukand wa kupan pa Mwinses. Irijeka kurutu kwa chisu chakwel mwin kulejan umwing ap aad ashimunina uman utungina wamanau mu kupan uman wa kukashimwish chisu chadingau ni kuya ap pa kuchirikin pa chisu chadingau akumangena ku chikumangan cha distrik, ap pa yisu yikwau pa ngond wa Kafunfut ap pa Kafumpul-Mashind

Min 15:Ov Ukat Kuwanyish Kushilamu Kwey kwa Kuchirik Kand? Diskur ni minsamb pamwing nau in kukumangan yengamidina pa Tour de Garde wa Mwinses 15, 1999, paj wa 10-11, mwishin mwa kamutu “Njil Jikwau ja Kuwanishin Kushilamu Kwetu.” Pitukata kuyitan antu amekeshina kusanger mu mwab wetu pitudia mu mudimu, tukat kwitenchik chisu chin chawonsu chakwel kudandamen kwez kwisamb nau chisu chikwau. Ov tukat chakin kamu kuchirik mud mudia kushilamu kwetu? Chirikin yany ya Baibel yifanyidina kutubachik kuwanish kushilamu kwetu. Yita in kukumangan kurumburil uman ulejena mutapu watambulau yiyukish kusutil ku kuchirikinamu swa.

Min 20:“Tulamany Ndond Yetu ya Kwifukwil Yinangina.”* (Paragraf 6-12) Sadil yipul yirijekinau. Kasikeshin usey wa kulam nawamp Chot cha Want, kasikeshin yidia mu kamushet kadia pa paj wa 5. Wejinaku rapor mwiswimp piur pa mwikadil wa Chot chen cha Want, ni ijikish yitenchik yin yawonsu yisadikina mulong wa kutungiril ni kurijek.

Muminy 41 ni malembil ma nsudiel.

* Mazu mey ma kusambish kangal masut Minit umwing, ni kupwa shinshikin minsamb nich yipul ni yakul.