Kampany wa Pakampwil wa Kwangan Broshir Musu
1 Ilel unou mikadil ya mangand yiyirumbangeshin antu avud, pakwez akemp awiy ovila kurumburik mulong wak mangand madi mu mwikadil wa mutapu winou, yom yikweza kurutu, ni yom yifanyidinau kusal chakwel ez apanda ku dirumburish diezina. (Ezek. 9:4) Chakwel kuyikwash ijika kurumburik kwa yisu yetu, kampany wa pakampwil wa kwangan broshir musu Chishany ku Mes! akumutakel kudiosh Diamond, Mwinkind 18, djat Diarubing, Kalang 14.
2 Broshir akutwish kumupan mu mudimu wa ku chikumbu ni chikumbu, chisu tusadila kuchirikinamu kusu, chisu tupanina uman wa kukashimwish, ap wa mwi ndond ya antu awonsu. Pakwez broshir, Chishany ku Mes! kafanyidinap kumwangan pakad kushinshik. Chawiy lel, mabroshir akumapan ching kusu kud antu amekeshina kusanger mu yom yilondinay Bibil piur pa kurumburik kwa yinship ya mangand. Antu amekeshina kusanger kukemp mu uruu akutwish kuyinkish trakt pa ndond pa broshir.
3 Ukutwish kupwitin manangu ma muntu ku kulond anch:
◼ “Antu avud akamin mulong wa yom yikash ni yinship yiyimp yipalangena ilel unou. [Jimbul chilikej chijikena cha pol pen.] Ov wij anch yom mud yiney ayilejana kal kurutu mu Bibil? [Mulika muntu akula. Kupwa tang verse ufanyidina mulong wa chilikej chijimbwilau, mud Mateu 24:3, 7, 8; Luka 21:7, 10, 11; ap 2 Timote 3:1-5.] Bibil ulejen kurumburik kwa yisu yetu ni yom yiyichingedina akaantu kurutu. Ov usotin kwijik yivud? [Mulika muntu akula. Anch kudi kusanger kwakin pan broshir.] Broshir amupanin pakad difut. Anch usotil kupan chipan ku mudimu wetu wa mangand mawonsu, tukuchitambul nich musangar.”
4 Ap mazu manam makutwish kwikal ma ukwash:
◼ “Ilel unou antu avud anenganen mulong wa yinship ya mangand ap yinship yikash yimushikedina muntu ni muntu. Amwing akat kwiyipul anch mulong wak Nzamb ulikin kwimik yom mud yiney. Bibil utwinkishin kashinsh anch piswimp ap kamu Nzamb ukuyikul antu ku mar mamenau. Tal yiyukish yikuletay Nzamb kud akaantu. [Tang Kuseng 37:10, 11.] Ov usotin kwijik yivud?” Pwish mud mulejenau kwiur oku.
5 Pakish kwijik dijin ni adres wa muntu mwawonsu ukutambula kopi wa broshir, ni irijeka mulong wa kuchirik chakwel kukudish kusanger. Yiyul yilejena mutapu wa kukudish kusanger yikwikal mu Mudimu Wetu wa Want wa Kalang 2004. Anch muntu wamekesh kusanger kwakin kapamp ka kusambish, ukutwish kubutul dilejan dia Bibil pakad kulab nich kusadil broshir Chishany ku Mes! ap mukand ukwau, mud broshir Nzamb Witin.
6 Makopi ma broshir musu makwikalaku ku Chikumangan cha Mudimu chambakedinap mu kwisambinau mutu wa mulong winou. Chiyul chidi anch in kulejan ni ayibol asenda bil chakusambish makopi maswiridinau kupan machuku ma kusambish ma kampany. Lik Yehova ayukisha mudimu wa pakampwil winou mulong wa ntumb yend ni kutaninamu kwa antu a michim yitok adia ndond jawonsu.—Kus. 90:17.