Kutaninamu ku Video Pas de sang : La médecine relève le défi

Ov yom yinch wija piur pa kutond kudiaku mu kusadil kwokan kwakad mash kwa chimwingang? Ov wovil kurumburik kwa yom yimwing yidia mu kutek kwa mash ni mutapu yisadikina? Tal video winou, ni pim ronganyin rey nich yipul yilondwila ey.​—⁠Chiyul: Mulong video ukwet yikunku yiswimp ya kubaril antu yimekeshinau, anvaj afanyidin kusadil kubabal mu kukwat mupak anch an au akemp afanyidin kumutal.

(1) Ov diyingish ik dijim dikatau kulikin Atuman a Yehova kuyitek mash, ni chijil chinech chidi ndond ik mu Bibil? (2) Chisu chishikedina milong yitadina kwokan, chom ik tusotininga? (3) Mbil ik ya dishin yikwetau ayej? (4) Ov mulong wak chidi cha manangu ni chisend cha kulik kutek kwa mash? (5) Anch kwikal kubudish kukash kwa mash, mitapu ik yaad ya kusal swa yikwetau a dokter? (6) Maubaj ik madia ku ukash wa mujimbu ku kutek kwa mash? (7) Yom ik yimwing ya mudimu yikwetau a dokter ya kukepish kudja kwa mash nakash chisu chibarilau? (8) Ov chom ik ufanyidina kwijik piur pa kusadil kwa mitapu yin yawonsu ya kutek kwa mash? (9) Ov kubaril kujim ni kukasikena kukutwish kusadik pakad kutek kwa mash? (10) Ov yom ik yisotinau a dokter avud kuyisadil Atuman a Yehova, ni chom ik chikutwisha kwikal mbil ya kuyok ayej in awonsu?

Kwitiyij kwok kwin kwawonsu kulejenau mu video udi mupak wa muntu ni muntu pakampwil ni kom kend.​—⁠Tal La Tour de Garde wa Kalol 15, 2004, p. 22-24, 29-31, ni La Tour de Garde wa Mwinkind 15, 2000, p. 30-31.