Sal Program wa Dijuku Ufanyidina

¹ Mu Mafundish ma pa Mukandu, Yesu wayikasikesha in kumutesh end anch: “Sambilany bil kusurib want wend ni kutentam kwend.” (Mat. 6:33) Mutapu ufanyidina kutenchik mijikit ya dijuku mulong wa kutek yom ya muspiritu pa ndond ya kusambish udi kwikal nich program wa kufund. Tekany aminit akemp a kusal program wa dijuku dien wa rubing ni rubing, sadilany program wakad kwizwish udia pa paj wa 6 wa wenjil winou. Mud chitongijok cha dijuku, amwing akutwish kusot kukatul yikunku yilejenau ni kuyilimik ku program. Akwau akutwish kutond kumwizwish nich kufundap mijikit.

² Chilikej cha program ulejenau mwishin ukutwish kwikal wa ukwash piusadilany program wa dijuku dien. Ukumanany anch ukwet kwend mijikit yinying ya mashin: (1) kuya ku yikumangan ya chikumangen, (2) mudimu wa chingand mu dijuku, (3) dilejan dia dijuku, ni (4) kushinshikin mufund wa dichuku. Kutek yiney pa program wen kukutwish kukukwashany mulong wa ‘kujingunin yom ya usey nakash.’ (Filp. 1:10) Ukutanany yiyul yikwau pa mijikit yiney pa paj wa 4-5.

³ Program wa dijuku dien kafanyidinap kwimen kusu pa mijikit yiney yinying. Anch urijekinany yikumangan kanang mu dijuku, tekany chijingidij pa program wen. Anch ukat kutangany chikunku cha Bibil pamwing kupwa kwa kushinshikin mufund wa dichuku ap ukat kusalany mwamu pa chisu chikwau, tekany chijingidij pa program. Anch chisu ni chisu ukat kwiyandjikany mu mulad kampand wa kwipuwangej kwa dijuku, ukutwishany kutek chisu chinech pa program wen.

⁴ Rijekany program wa dijuku dien kulondulijan nich maswir ni mikadil ya antu awonsu adia mu dijuku. Chisu ni chisu shinshikinany mutapu usadikinay, ni tenchikany anch chiswiridikin.

Chilikej cha Program wa Dijuku

Diar. Diam. Diakaa. Diakas. Diakan. Diakat. Diamp.

Mufund wa Dichuku

Mufund wa Dichuku

Mufund wa Dichuku

Mufund wa Dichuku

Mufund wa Dichuku

Mufund wa Dichuku

Mufund wa Dichuku

Pamanch

Mudimu wa Chingand mu Dijuku (Dichuku dia Magazet)

Diskur dia Pibur ni Dilejan dia La Tour de Garde

Kupwa kwa Midi

Urel

Dilejan dia Dijuku

Dilejan dia Buku dia Chikumangen

Shikol ya Mudimu wa Uteokras ni Chikumangan cha Mudimu