Yijikish

◼ Mukand wa kupan pa Chiwong: Buku win mwawonsu wapalangeshau kurutu kwa muvu wa 1991 akutwish kumupan. Yikumangen yiburedina mabuku makur mud minam yikutwish kupan L’humanité à la recherche de Dieu. Kasan: Approchez-vous de Jéhovah. Rish: Buku musu Chom ik Chakin Kamu Chifundishinay Bibil? Salany usu wa pakampwil wa kusambish malejan ma Bibil.

◼ Mulong Ndol ukwet nsudiel ja mbing jitan, ukutwish kwikal ngond muwamp nakash wa kusal uchibol nkwash.

◼ Kusambish pa Kasan, ap piswimp ni Rish 5, diskur dia patok dia atulam a minyimuku dikwikal nich mutu wa mulong ulondila anch “Ukutwish Kusanger Mwom mu Chisambu Katat​—⁠ni Chikupu!”

◼ Yikumangen yifanyidin kwirijek nawamp mulong wa kusal Chivurikish muvu unou Diakasatu, Ndol 12, kupwa kwa muten kwandam. Ap anch diskur dikutwish kusambish kurutu kwa muten, yijingidij yifanyidinap kuyisutish kurutu kwa muten kwandam. Talany chijikish mu Mudimu Wetu wa want wa Chiwong 2004. Rusangu riner ridi rakin. Chikumangen ni chikumangen chifanyidin kwikasikesh kwisadil musambu wach wa Chivurikish. Pakwez, chikatap kutwishik chisu chawonsu. Ndond jidia yikumangen yivud yikata kusadil Chot cha Want chimwing, chitwishikin chikumangen chimwing ap yivud yikimba ndond yikwau ya kusadil urel winiwa. Anch chitwishikin, tukutwish kusutishaku piswimp minit 40 kurutu kwa kusambish maprogram ma chikumangen chikwau chakwel awonsu isakinaku sens chisu chinech. Chisak cha amakurump chikukwat mipak chakwel kutal yitenchik yifanyidina nakash pol pau.

◼ Anch muntu utenchikin weny wa kuya kukumangan ku yikumangan ya chikumangen, chitentam cha munyimuku, cha pakampwil, ap chitentam cha distrik mwi ngand yikwau, ufanyidin kwipul jinsang ku biro wa mutiy utadila mudimu mwi ngand yiniya mulong wa machuku ma ngond, yisu, ni jindond. Maadres ma mabiro ma mitiy amapangin pa paj wa nsudiel wa Annuaire wa katat.

◼ Lamany amboku nimero musu wa telefon wa Biro wa Mutiy: 0815551000. Nimero winou wa telefon ututwishishin kutambul kutazuk kuvud pa chisu chimwing.

◼ Kujimb kwa Bethel, kuletin ku biro wa mutiy mutapu wa kutazuk akadivar avud awanyishinau mud in kusal mudimu wa nzembu, in mudimu wa kurijek miyeng ya mem (plomberie) akweta ukaliweny, in kurijek motak, ni ansil a mudimu wa yom ya ditalesh. Mukadivar ap nambaz wija umwing wa midimu yiney ni uswiridina kusal ku Bethel, akutwish kwijikish Bethel kusutil ku Komite wa Mudimu wa Chikumangen.