(1) Chipul, (2) Mufund, ni (3) Mwimbu
Mutapu uswapela wa kupan buku Chom ik Chakin Kamu Chifundishinay Bibil? udi (1) kwipul chipul cha kutongish, (2) kutang mufund ufanyidina, ni (3) kujimbul mwimbu mu buku wisambidina mutu wa mulong winiwa kusutil ku kutang yipul ya nsambishil mwishin mwa mutu wa mulong wa mwimbu. Anch mwin chikumbu wamekesh kusanger, ukutwish kulejan mutapu wa kusambish dilejan dia Bibil mu kusadil maparagraf ma kusambish ma mwimbu winiwa. Mulad winou akutwish kuusadil chakwel kusambish dilejan kapamp ka kusambish ap chisu cha kuchirikinamu kusu.
◼ “Utongin chiswapel kamu kud antu a chamwamu kwez kumwijik Sakatang wetu mwin-dikand-diawonsu, mud mulondilau pinap mu Bibil?” Tang Midimu 17:26, 27, ni mulika muntu akula. Kupwa jimbul Mwimbu wa 1.
◼ “Nich milong tumena nlel unou, utongin anch chiswapel kutan rongoj ni ruchingej yirumburilau pinap?” Tang Rom 15:4, ni mulika muntu akula. Kupwa jimbul mwimbu wa 2.
◼ “Anch wadi nich ulabu wa kusal mwamu, welangap kulet kuswimp kwinoku?” Tang Kujingunik 21:4, ni mulika muntu akula. Kupwa jimbul mwimbu wa 3.
◼ “Utongin anch anetu kakezap kutwish kusanger mikadil yirumburilau mu muminy ou wa pakur?” Tang Kuseng 37:10, 11, ni mulika muntu akula. Kupwa jimbul mwimbu wa 3.
◼ “Utongin mutapu yikeza kwikal chisu chikuwanyina mazu manam?” Tang Isay 33:24, ni mulika muntu akula. Kupwa jimbul mwimbu wa 3.
◼ “Kand kal wiyipulangap anch afu ij yisadilau aom?” Mulika muntu akula. Kupwa tang Mulej 9:5, ni jimbul mwimbu wa 6.
◼ “Utongin anch chiswapel dichuku dimwing kuyiman kand akatish netu afila kal, mud mwalonday Yesu mu maverse minam?” Tang Yohan 5:28, 29, ni mulika muntu akula. Kupwa jimbul mwimbu wa 7.
◼ “Ov, kumutambu wey mutapu ik chikwikala chitwishikina chakwel rusot ra Nzamb risadika panap pansh mud murisadikina mwiur, mud mulejenau mu malembil minam ma katumb?” Tang Mateu 6:9, 10, ni mulika muntu akula. Kupwa jimbul mwimbu wa 8.
◼ “Utongin anch tushich mu chisu cha chirung chirumburilau mu uprofet winou?” Tang 2 Timote 3:1-4, ni mulika muntu akula. Kupwa jimbul mwimbu wa 9.
◼ “Antu avud akat kutong mulong wak milong ya antu yimeken kwikal yiyimp nakash. Washinshikidinap kal kurumburil kupaninau mu verse unou?” Tang Kujingunik 12:9, ni mulika muntu akula. Kupwa jimbul mwimbu wa 10.
◼ “Wasotap kal kwijik chakul ku chipul mud chinech?” Tang Job 21:7, ni mulika muntu akula. Kupwa jimbul mwimbu wa 11.
◼ “Utongin anch kusadil chiyul chinech chidiokila mu Bibil kukutwish kuyikwash antu kwikal nich mwom wa musangar mu dijuku?” Tang Efes 5:33, ni mulika muntu akula. Kupwa jimbul mwimbu wa 14.
[Caption on page 6]
[Picture on page 6]
Akutwish kupan rapor wa dilejan dia Bibil chisu chikuditakelau tupamp twaad kupwa kwa kulejan mutapu wa kwilej ni anch kudi diyingishin dia kuchingej anch dilejan dikudandamen.