Video Urumburila Chibachikin cha Usey cha Umwingang
Ankaliweny a yijil ni a ukash wa mujimbu atil muchim nakash ku yitongijok yiwamp ni kwi mbil ya ayej. Chinech chikwashin kuman yisu ya kwokan ni milad yikutwishau kusadil kud Atuman a Yehova. (Midimu 15:28, 29) Riner rawiy rutong ra video Alternatives à la transfusion—le droit et les besoins des patients. Mutala, ni kupwa chirikin yiwilejanga.—Chiyul: Mulong video ukwet yikunku yiswimp ya kubarilan yimekeshinau, anvaj afanyidin kusadil kubabal mu kutal video nau an au akemp.
(1) Mulong wak mu yisak yikwau ya umwingang akat kutaliril kand kusadil kwa kutekan mash? (2) Let yilakej yisatu ya kubaril kukasikena kukutwishau kusal pakad kutek mash. (3) Mutapu ik wamekeshinau adokiter ni in kubarilan avud a ngand ya kabuj rusot rau ra kwok ayej pakad kutek mash? Mulong wak usotilau kusal mwamu? (4) Kujingunin kwa chimwingang kwa katat kulejen ik piur pa kusadil kwa mash? (5) Maubaj ik ma umwingang madiaku kukwatijan nich kutek mash? (6) Ankaliweny avud ashikedin ku dipwishil ik piur pa ukwash wa kwokan pakad kusadil mash? (7) Yom ik yiletishining kukep kwa mash? Mu chilik ik mukutwishau antu kulikidil kuburen kukep kwa mash pakad yibudikin yiyimp? Yom ik yikutwishau kusal mulong wa kuchirish mash? (8) Mutapu ik ukutwishau kuvudish maselil masuz ma mash mu mujimbu wa muyej? (9) Milad ik yisadidilau mulong wa kukepish kupwek kwa mash chisu chibarilau? (10) Ov, kwok pakad mash kutwishikin kud an akemp ap antu adia mu mwom wa chak chikash? (11) Yisu mbil yimwing ya kusambish ya yijidik ya kwokan kuwamp kwa chimwingang? (12) Mulong wak chidi cha usey kud in Kristu kutond kurutu mulad wa kwok kwakad kusadil mash? Mutapu ik tukutwisha kusal mwamu?
Kwitiyij kwok kwin kwawonsu kulejenau mu video udi mupak wa muntu amwinend ukwatijadina ni kom kend kafumbinau nich Bibil. Wakwatin kal mupak wa mulad wa kwokan kwakad kusadil mash witiyina kusadil mulong weyey amwiney ni mulong wa aney? Antu a mu dijuku akad kwikal Atuman afanyidin ni yau kuyijikish mipak yey ni mayingishin ma mipak yey.—Tal “Yipul ya In Kutang” mu manimero ma Chinong cha Kalam cha Kalol 15, 2004, ni Mwinkind 15, 2000 (Français).