Ov, Wamwizwishin Kal?

Kwizwish chom ik? Kwizwish kart wey DPA (Instructions médicales) uyinkishinau Atuman ababatishau kal. Mulong “kiwijanyip yikusuta diamashik,” chidi cha usey kukwat mupak kurutu kwa chisu ni kulejan kusutil ku kufund kwok ik ni mitapu ik ya kwok kwa umwingang witiyijina anch kwikal mwikadil kanang wa ubaj. (Yak. 4:14; Mid. 15:28, 29) Mulong wa kukukwash, asadin video Soigner sans transfuser — Besoins et droits du patient. Mutala, ni kupwa chirikin mu malembil yom yiwilejang nich ukwash wa yipul yidia kwishin.—Chiyul: Mulong video ukwet yikunku yiswimp ya kubarilan yimekeshinau, anvaj afanyidin kusadil kubabal mu kutal video pamwing ni anau akemp.

(1) Mulong wak mu yisak yikwau ya umwingang akat kushinshikin kand kakwau piur pa kutekan kwa mash? (2) Let yilakej yisatu ya kubaril kujim nakash kwatwishau kubaril pakad kutek mash. (3) Mutapu ik wamekeshinau adokiter ni in kubarilan avud a mangand ma kabuj rusot rau ra kwok ayej pakad kuyitek mash? Mulong wak usotilau kusal mwamu? (4) Kujingunin kwa chimwingang kwa katat kulejen ik piur pa kusadil kwa mash? (5) Maubaj ik ma umwingang madiaku kukwatijan nich kutek mash? (6) Ankaliweny avud ashikedin ku dipwishil ik piur pa ukwash wa kusadil mon ukwau chakwel kwokan pakad kusadil mash? (7) Yom ik yiletishining kukep kwa mash? Mu chilik ik mukutwishau antu kulikidil kuburen kukep kwa mash pakad yibudikin yiyimp? Yom ik yitwishikina kusal mulong wa kuchirish mash? (8) Mutapu ik ukutwishau kusal chakwel ma globul masuz mavula mu mujimbu wa muyej? (9) Milad ik yisadidilau mulong wa kukepish kupwek kwa mash chisu chibarilau? (10) Ov, kwok pakad mash kutwishikin kud an akemp ap antu adia mu mwom wa chak chikash? (11) Yisu mbil yimwing ya kusambish ya yijidik ya kwokan kuwamp kwa chimwingang? (12) Mulong wak chidi cha usey kud in Kristu kutond kurutu mulad wa kwok kwakad kusadil mash? Mutapu ik tukutwisha kusal mwamu?

Kwitiyij kwok kwin kwawonsu kulejenau mu video udi mupak wa muntu amwinend ukwatijadina ni kom kend kafumbinau nich Bibil. Wakwatin kal patok mupak pa mulad wa kwokan witiyina kusadil mulong weyey amwiney ni mulong wa aney? Mulong wa kwisamb nakash pa milong yiney, tal “Yipul ya In Kutang” mu manimero ma Chinong cha Kalam cha Kalol 15, 2004, ni Mwinkind 15, 2000 (Français) ni mu wenjil “Mutapu ik Nifanyidina Kuman Yikunku ya Mash ni Kwokan Kwitina Kusadin kwa Mash Mam Amwinam?” udia mu nimero wa Mudimu Wetu wa Want wa Kalang 2006. Antu watekina pa kart mulong wa ukwash ni antu a mu dijuku akad kwikal Atuman chifanyidin ni yau kuyijikish mipak yey.