Yakul Ku Yipul yen

◼ Ov, chiwapin kutek adres e-mail wetu ku mabuku twangena?

Kusutil ku kulamik ka dipaper ap kufund, in kulejan amwing akat kulamik adres e-mail wau ku magazet ap ku matrakt mangenau kudi antu akwau. Chawiy lel antu itiyina mikand atwishin kuyifundin in kulejan chakwel ayipula jinsangu kanang. Usu wa mutapu winou wa kuyikwash antu asangaredina udi uwamp. Pakwez, adres wetu wa Web wijikena amufundin kwinyim kwa magazet ni matrakt. Pa chinech, chikwikal chiwamp anch twalik kulamik adres e-mail wetu ku mikand.

Ap anch mwin kulejan ukutwish kuyinkish antu adia mu teritwar adres wend pa ka dipaper kakwau, pakampwil pakatay kumuchirikin muntu, udi mupak wa muntu ipend. Tufanyidin kukwat chiyul cha kuyichirikin swa antu amekeshina kusanger pa ndond pa kuyishil ching adres wetu mulong wa kutambul jinsangu jikwau. Kusanger kwakin kwa muntu kukutwish kumekan nawamp pitwisambina ni muntu mes ni mes.