Ov, Wij Mitapu Yiukusadila?

Katat akat kuyibaril antu chisu chivud pakad kusadil mash mu marupital mavud mu mangand mawonsu. Ov, wij nawamp win kam mitapu ya chimwingang yidiaku yakad kusadilang mash? Ufanyidin kuyijik chakwel utwisha kukwat mipak ya manangu pa mulong utadila kwiyokish kwa chamwingang ni kubarilan. Talany video Pas de sang : la médecine relève le défi. Kupwa lembil nakash ni kushinshikin yom yiwilejina nich ukwash wa yipul yidia kwishin oku.​—Chiyul: Mudi mu video winou yikunku yimwing yilejena mutapu ubarilau muntu, anvaj afanyidin kusadil manangu pa kutal video ni anau achidia anikanch.

(1) Ov, chiding mulong wa diyingishin ik dilikiningau Atuman a Yehova kuyitek mash? (2) Pa mulong utadila kwiyokish kwa chimwingang, chom ik chikatiningau Atuman a Yehova? (3) Mbil ik yikwetau ayej? (4) Ov, mulong wak chidi cha manangu kutond mitapu yikwau ya kwiyokish nich pa ndond pa mash? (5) Anch mash mavud madja, yom ik yaad ya usey nakash yikutwishau adokiter kusal? (6) Yom ik ya usey yinying yikutwishau kusal pa ndond pa mash? (7) Ov, mutapu ik ukutwishau adokiter (a) kukepish kudja kwa mash, (b) kulam yid yisuz ya mash, (c) kuvudish mash, ni (d) kuchirish mash michikang? (8) Rumburil chijimbwilau anch (a) hémodilution ni (b) kupandish yid ya mash. (9) Chom ik ufanyidina kwijik piur pa mutapu winou wawonsu windjing wa kusadil pa ndond pa mash? (10) Ov, chitwishikin kumubaril muntu mayej makash pakad kumutek mash? (11) Chom ik chiwamp chisadikina mu amingang?

Chimutadin muntu ni muntu kwikwatin mupak wend amwinend wengamidina pa kom kafumbinau kal nich Bibil anch ukwitiyij mitapu yimwing ya kwokan nich yilejenau mu video. Ov, watondin kal nawamp mutapu wa chimwingang usotila anch wawiy ukutwishau kusadil ey amwiney ni aney pa kukwok ni wizwishin kal kart DPA? Anch usotil jinsangu jikwau jiwanyidina pa milong yiney, shinshikin nawamp amboku “Yipul ya in Kutang” yidia mu Chinong cha Kalam cha Français cha Kalol 15, 2004, ni cha Mwinkind 15, 2000. Kupwa sadilany mutu udia mwi wenjil wa Mudimu Wetu wa Want wa Kalang 2006 ulondila anch: “Mutapu ik Nifanyidina Kuman Yikunku ya Mash ni Kwokan Kwitina Kusadin kwa Mash Mam Amwinam?” chakwel wikwatina amwiney mipak yey piur pa mitapu ya kusadil ya chimwingang yikutwisha kwitiyij ni kulik. Chakin, ikal nich kashinsh anch wafunda nawamp mupak wey pa kart wey DPA. Muntu utondina mudi kaman wey ni anamakwey awonsu akad kwikal Atuman afanyidin ijik nawamp mipak yey.