Ov, Mutapu ik Tumalamina?

Chidi chipul chiwamp tufanyidina kwiyipul piur pa mukand win wawonsu tutenchikininga mulong wa kuupan. Mukand wawonsu washadishina kal mutapu wau uwamp wa kumekan ku mes, washadishina ulombu, uyipina, ap ukutwisha kumekesh dirijek dietu mu mutapu uyimp ni ukutwisha kumuzuwol mwin chikumbu mulong wa kuburen kand ufun uwamp, ukutwish kushadish uruu wa dipandish udiamu.

Ov, mutapu ik tukutwisha kulam nawamp mikand yetu? Antu avud atan ukwash uvud kusutil ku kurijek masakosh mau ma kulejan nich chakwel ateka mikand ya mutapu umwing pa ndond yimwing. Chilakej, akwet ndond ya mikand, ndond yikwau ya magazet ni mabroshir, ni ndond yikwau kand ya matrakt, pamwing ni ndond ya yom yikwau yikwau. Kupwa ku minsamb ni minsamb, achirishining nawamp ma Bibil mau ni mikand yin yawonsu mu masakosh mau ma kulejan nich chakwel ipuka kumayipish. In kulejan amwing alamining mikand yau mu mafard ap mu malejer. Kusutil ku mutapu winou utusadidininga, tusotinap kumwinkish muntu kanang chisu cha kuses mudimu wetu wa kulejan kusutil ku mutapu tulamina nayimp mikand yetu.—2 Kor. 6:3.