Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil pa Diampos dia Kusambish dia pa Kachirikin

“Nij nawamp anch witiyijin anch muntu mwin mwawonsu ou uswiridining kwikal ni arund. Ov, mwikadil ik umeninga udia wa usey kupandakan kudi murund kanang? [Mulika akula.] Tal yilondinau piur pa mutapu tufanyidina kutond arund netu nawamp.” Mwinkisha mwin chikumbu kopi umwing wa Chinong cha Kalam cha pa Kachirikin 1, tang ni isambany nend pamwing piur pa yom yidia mu kamutu ka mulong ka kusambish kadia pa paj wa 16. Tang umwing wa ku mifund yijimbwilau. Pan magazet, ni tenchik mutapu wa kuchirik chakwel ushinshikinany chakul ku chipul chikwau.

Chinong cha Kalam Kachirikin 1

“Ov, watonginap kal anch mulong wak kuding mar ma chitangil mavud nlel unou? [Mulika akula.] Chidi cha musangar, Bibil walonda anch chisu chin cha akez kuchijik mulong wa mar. [Tang Mateu 24:7, 8.] Gazet winou wakwil ku yipul yiney: Ov, mulong wak nlel unou tumening mar ma mavud chitangil? Ov, chiding dipup dia Nzamb? Kudi yiyingish tufanyidina kwitiyij anch rusot ra Nzamb ra kupwish mar ma chitangil rikusadik piswimp ap.”

Réveillez-vous ! Kachirikin

Tang 2 Timote 3:16. Kupwa lond anch: “Antu amwing itiyijining anch Bibil amupepila kudiay Nzamb, pakwez antu akwau kitiyijiningap mwamu. Ov, ey utongin nchik pa mulong winou? [Mulika akula.] Ap anch kudi yakul kushalijan ku chipul chinech, avud itiyijining anch kwikilingap buku mukwau wikala chom cha mausu mavud chakwel amushesha. Gazet winou umekeshin mamwing ma ku mausu masalau mulong wa kushesh Bibil ni kuyishesh in kumutang mu kusut kwa yitot ya mivu. Umekeshin kand mulong wak kamusheshap.”