Ov, Wirijekin Kal Mulong wa Mwikadil Kanang wa Ubaj?
Mwikadil kanang wa ubaj ukutwish kutushiken kapamp kamwing ni pakad dibabesh. (Jak. 4:14) Chawiy, muntu mwin manangu ukwirijek nakash mudi chitwishikina. (Jinsw. 22:3) Ov, wakwatin kal mupak piur pa mitapu ya kwokan kwa umwingang yiukeza kwitiyij ni kuyifund? Mulong wa kukukwash, abudisha video ukweta mutu wa mulong ulondina anch: Soigner sans transfuser — Besoins et droits du patient, chikunku chakaad achimekeshin pa DVD ukweta mutu mulong ulondina anch: Alternatives à la Transfusion — Documentaires. Piumutadila, ijik anch ukutwish kwakul ku yipul yilondwilaku ey. Mulong video ukwet yikunku yiswimp ya kubarilan yimekeshinau, anvaj afanyidin kusadil kubabal mu kutal video pamwing ni anau akemp.
(1) Mulong wak mu yisak yikwau ya umwingang akat kushinshikin kand kakwau piur pa kutekan kwa mash? (2) Let yilakej yisatu ya kubaril kujim nakash kwatwishau kubaril pakad kutek mash. (3) Mulong wak tunan twa adokiter ni in kubarilan avud a mangand ma kabuj rusot rau ridi ra kwok ayej pakad kuyitek mash? (4) Kujingunin kwa chimwingang kwa katat kulejen ik piur pa kusadil kwa mash? (5) Maubaj ik ma umwingang madiaku kukwatijan nich kutek mash? (6) Ankaliweny avud ashikedin ku dipwishil ik piur pa ukwash wa kusadil mon ukwau chakwel kwokan pakad kusadil mash? (7) Yom ik yiletishininga kukep kwa mash, ni chom ik chikutwisha kusadik chakwel tupwisha mulong winou? (8) Mutapu ik ukutwishau kusal chakwel ma globul masuz mavula mu mujimbu wa muyej? (9) Milad ik yisadidilau mulong wa kukepish kupwek kwa mash chisu chibarilau? (10) Ov, kwok pakad mash kutwishikin kudi an akemp ap antu adia mu mwom wa chak chikash? (11) Yisu mbil yimwing ya kusambish ya yijidik ya kwokan kuwamp kwa chimwingang?
Mulong wa kwitiyij kwok kwin kwawonsu kulejenau mu video udi mupak wa muntu amwinend ni kom kend, chawiy, pikil kuchingel djat ni piukeza kurish nich ubaj chakwel ushinshikina chom ukeza kwitiyij ap bwat. Shapitre 7 wa mukand “ Amour de Dieu ” ni mareferans majimbwuilaum pamwing ni wenjil wa Mudimu wetu wa Want wa Kalang 2006 yikez kukukwash kukwat mipak ya manangu. Kupwa, anch wababatishiwin kal, fund mutapu wey wa kukwok watondina mu kart wey DPA, ni mulama kart winou yisu yawonsu.
[Dizu dirumburila chipich chidia pa paj wa 3]
Ov, wakwatin kal mupak piur pa mitapu ya kwokan kwa umwingang yiukeza kwitiyij ni kuyifund?