Udi wa Kulam

Ov, Ukat Kusadil Mabroshir Minam?

La Bible—Quel est son message ?

Udiaku mulong wa antu ija yom yikemp piur pa Bibil, pakampwil antu akad kwikal mu marelijon ma in Kristu

Mutapu wa kumupan: “Tusotin kwijik chitongijok chey piur pa yom yilondinay pinap mu Mifund (ap mu mukand winou utumbila). [Tang Kuseng 37:11, wisambidinau mu chikunku cha 11.] Ov, utongin anch divu dikez kwikal mudi mukeza kuwanyin uprofet winou wabwakau? [Mulika akula.] Chinech chidi chilakej cha ruchingej ni rongoj kudi antu a michid yawonsu ni yitiyij chikutwishau kutambul kusutil ku Bibil.” Tang paragraf udia pa mutu wa mulong udia pa paj wa 3, ni pan broshir.

Ukutwish kusadin kand mwamu: Anch utakedil dilejan dia Bibil mu buku Chifundishinay Bibil ni muntu udiokidila mu relijon wakad kwikal wa in Kristu, itekina minit yikemp kwinsambishil ap kwinsudiel kwa dilejan ni dilejan chakwel ushinshikinany chikunku chimwing cha broshir winou chakwel umekesh chitongijok cha Bibil.

Cinq questions a se poser sur l’origine de la vie

Udiaku mulong wa Ansand in Kristu isambidininga piur pa dikarumun ku shikol ni ukukukwash kand chisu utongijokina pamwing ni antu isambidininga dikarumun, idjidjekininga kwikalaku kwa Nzamb ap bwat, ni antu akad kwitiyij kwikalaku kwa Nzamb (Broshir winou kadiakwap mulong wa kumupan ku chikumbu ni chikumbu.)

Mutapu wa kumusadil chisu twisambina ni in dikarumun ap muntu wakad kwitiyij kwikalaku kwa Nzamb: “Chakin kamu, mabuku mawonsu ma siyans malejen dikarumuk nlel unou. Ov, witiyijining anch dikarumuk didi malejan ma chamwamu bil, ap utongin anch didi katat mudi ditenchik dia uyakin? [Mulika akula.] Chakwel ukwata mupak wa usey, nikwet kashinsh anch ukez kwitiyij tushinshikina pamwing yom yitadila mulong winou. Broshir winou ulejen umwing wa ku uman wayikwasha antu avud chakwel itiyija anch mwom autanga.”

Ukutwish kusadim kand mwamu: Anch waya ku shikol, tek broshir wey patok pa ndond ushichinga ni tal anch upwitin jinkeu kudia ambay ney a shikol.

Ukutwish Kwikal Murund Nend Nzamb!

Udiaku mulong wa kuyikwash antu akad kwilej nakash ap akad kwijik kutang nawamp

Mutapu wa kumupan: “Ov, utongin anch chitwishikin kudi etu kwikal arund a Nzamb? [Mulika akula. Kupwa tang Jakobu 2:23.] Broshir winou udiaku mulong wa kutukwash chakwel twikala arund a Nzamb, mudi mudingay Aburaham.”

Ukutwish kusadin kand mwamu: Kapamp ka kusambish ka minsamb ap ka kumuchirikin, mekesh mutapu usadikininga dilejan dia Bibil kusutil ku minsamb ya pamwing ap kusutil ku chikunku cha kusambish cha dilejan 1.