Ov, Yisu Yawonsu Utadining ku Tablo wa Yijikish?

Amakurump, ankwash a mudimu ni antu akwau akwet yisend mu chikumangen ya kutal yisu yawonsu pa tablo wa yijikish chakwel ijika chisu chikwikalau nich chisend. Pakwez, antu awonsu adia mu chikumangen akez kutan jinsangu ja usey pinap. Ov, wij chisu cha chisend chen cha kukomb Chot cha Want? Ov, kalam wa munyingumuku ap biro wa mutiy utuminaku mikand ku chikumangen? Ov, wij mutu wa mulong wa diskur dia patok dia rubing riner chakwel utwisha kumutazuk mwin kwilej Bibil wey? Ov, kudi yitenchik yasadika piur pa program wa yikumangan ap mu chisak chen cha mudimu wa chingand? Uvud wa jinsangu jinej kiufanyidinap kuwijikish chisu chilemp pa chisu cha yikumangan ni chitwishikinap kudi amakurump kwinkish jinsangu jinej kudi mwin kulejan mwin mwawonsu.Chawiy, tufanyidin kutal yisu yawonsu jinsangu pa tablo wa yijikish. Anch twadandamen kwiyijikish ayinetu, yom yawonsu akutwish kuyisal ni “kuyirijek nawamp wakad kurumbangan.”​—1 Kor. 14:40.