“Nikutambul Mukand Wey Anch Niyey Watambul Wamam”

Chinech chawiy chitongijok cha in yikumbu amwing. Mulong tusotiningap kuswimp mikand yetu yikwashina kwilej Bibil nich mikand ya relijon yipalangeshina yom ya makasu, ov, mutapu ik tukutwisha kwakul nich nkeu? (Rom 1:25) Tukutwish kulond anch: “Twakujikitish mulong wa mukand wey. Ov, mukand winou ulondin ik piur pa kupwish milong ya antu? [Mulika akula. Anch ndiy wakwit chakwel utanga mukand wend mulong utana chakul, ukutwish kumuvurish anch ukutwishap kwinginkish mukand wey pakad kwinlej yom yidiamu. Kupwa tang ap jimbul Mateu 6:9, 10.] Yesu walejana anch Want wa Nzamb ukez kusal chakwel rusot ra Nzamb risadika panap pansh. Chawiy lel, ching kusu mukand wa relijon ou nitangina wawiy wisambidina pa Want wa Nzamb. Ov, usotin nikuleja yom yimwing ya pakampwil ya mu Bibil yikeza kuwanyish Want wa Nzamb?”