Sadil jw.org mu Mudimu Wey wa Kulejan​—“Ikal Murund wa Yehova”

Chikunku cha jw.org chitazukinau anch “Malejan ma Bibil (La Bible et vous)” chikwet yifwatul ya an yitazukinau anch “Ikal Murund wa Yehova (Deviens l’ami de Jéhovah)” yikweta miminy, mavideo, ni yom yivud. Ov, wasadina yifwatul yiney mu mudimu wey wa kulejan? Anch wilejin Bibil ni nvaj ukweta an akemp, ov, ufanyidin kumulej yifwatul yiney? Chinech chikutwish kumubachik chakwel ajingunina kand yom yikwau yidia pa kapend ketu ka Web.

Padingay ni kupan trakt Rusangu ra Want No. 38, mukadivar umwing watana mband umwing wasambisha kutang trakt kapamp kamwing kupwa kwa kumwinkish. Ndiy wading ni an akemp avud asota kutang niyawiy trakt winou. Mukadivar wisambina mu wiswimp yidiamu ni wamuleja adres wa kapend ketu ka Web kadia pa chibur cha nsudiel. Mulong mband winou wamekesha kusanger, ndiy wasala usu wa kutal ma video ma Kaleb ni kumamekesh kudi anend, mu kusadil telefon wend.

Nambaz umwing wamuleja mbay nend a mudimu wadinga ni an akemp piur pa kapend ketu ka Web ni jinsangu jadinga mwinimwa piur pa majuku. Mband winou watala yom yiney pa jw.org pamwing ni anend. Kupwa, wamuleja nambaz anch anend asambina kunyingumwok ku chikumbu mu kuwang muminy ‘Lejan Dizu dia Nzamb’ udia mu video “Ikal Murund wa Yehova (Deviens l’ami de Jéhovah).”

Ukutwish kutal yifwatul yiney yidia pa jw.org ni kusend mavideo, miminy, ap yom yikwau yivud mu telefon wey. Kupwa ukez kwikal tayad mulong wa kusadil chikunku chinech cha jw.org mu mudimu wa kulejan. Chidi chom cha usey mud ik chitukwashina kumusadil kamu Mwant!​—Mid. 20:19.