Lejanany Uyakin Piur pa Yesu Nich Mushiku

Mushiku wetu ukujimb anch twijik mutapu wa kuyilej antu akwau uyakin piur pa Yesu. Yesu ndiy udia diyal dijim dia dikonk pengamidina ritiy rakin. (Ef. 2:20) Pakad ndiy, tukutwishap ap pakemp kwikal nich ruchingej ra mwom. (Mid. 4:12) Chawiy lel, chidia cha usey kudi antu awonsu chidi kwijik chisend cha Yesu mu rutong ra Nzamb. Antu avud ayishadishin kal kusutil ku malejan makad kwikal mu Bibil. Cha ushon chidi anch awiy kakutwishap kutambul yiyukish yilondinau mu Dizu dia Nzamb yilamidinau antu atekina ritiy rau mudiay Yesu. Mushiku wetu mulong wa uyakin ukez kutubachik chakwel tuyikwasha antu ashinshamena atambula ronganyin rakin piur pa Yesu, urund wend ni Nzamb, ni rutong rend pantaliken ni Nzamb. Pa chisu cha Chivurikish, tukez kwikal ni mushiku wa kulejan uyakin piur pa Yesu?