Dizu dia Nzamb Dikwet Usu mu Mwom Wey?

Kutang Bibil dichuku ni dichuku kukutwish kwatukwash ‘twimana dang’ ni ‘tukasikana mu ritiy.’ (Kol. 2:6, 7) Chakwel anch Dizu dia Yehova dikala nich usu mu mwom yetu, tufanyidin kwipan nakash ni kusadin yijil yidiamu. (Heb. 4:12; Jak. 1:22-25) Joshua 1:8 urumburil yom yisatu yilejena mutapu wa kutang nawamp: (1) Kutang Dizu dia Nzamb “muten ni uchuku.” (2) Kuditang nich ‘dizu mwishin,’ chimekeshin anch kudi kutang pakemp-pakemp mu mutapu ukutwisha ku kukwash kutongijokin ni kutong mulong wa yom utangina. (3) Kusadin nich mushiku “yawonsu yifundilaumu.” Kusadin nawamp yiyul yiney ku kutukwash chakwel ‘tuya kurutu’ ni ‘tusala nich manangu’ mu mwom wetu.