Mutapu wa Kuyimekeshin Antu Akwau Rukat

Mulong etu awonsu tudi an a muntu wa kusambish Adam, chawiy komb tudi antu a mu dijuku dimwing. Chawiy, antu mu dijuku dimwing afanyidin kukatijan ni kulimishijan umwing ni mukwau, pakwez, nlel unou chikasiken kutan rukat mudi riner. Pakwez, kimwawiyap mukatinay Nzamb wetu wa rukat.

YOM YILEJENAU MU MIFUND YITUMBILA PIUR PA RUKAT

‘Ufanyidin kumukat mukwen mudi ey amwiney.’​—IN LEVI 19:18.

‘Dandamenany kuyikat akankuny nen.’​—MATEU 5:44.

CHIRUMBURIKINA KUYIKAT ANTU AKWAU

Mazu madia mu Dizu dia Nzamb madia mu 1 Korint 13:4-7 malondin piur pa rukat anch:

“Rukat rikat kushimpish muchim, rudimukin kand.”

Tong bil: Mutapu ik ukata kwiyov anch antu akwau akumekeshin kushimpish muchim ni kukudimukin mu kulik kukujimen anch wayirumbukin?

“Rukat kirukwetap mukau.”

Tong bil: Mutapu ik ukat kwivoy anch antu akwau asambish kukutongin nayimp ap kukwovil ris?

Rukat ‘kirikatap kwitongin.’

Tong bil: Mutapu ik ukat kwiyov anch antu akwau alimish yitongijok yey ni kakushindidinap chakwel ulondula yitongijok yau?

Rukat “kirukumulaminangap muntu kuyip.”

Tong bil: Nzamb ukatining kuyilikishin akayitil akata kukarumuk. “Ndiy kakutwishap kutupup chikupu. Ap kutujimen machuku mawonsu.” (Kuseng 103:9) Chitusangareshining nakash mud ik anch muntu twarumbukina watulikishin. Chawiy, niyetu tufanyidin kuyilishin swa antu akwau anch aturumbukin.—Kuseng 86:5.

Rukat “kirukusangerangap mu kuyip.”

Tong bil: Anch yom yiyimp yatushiken tukatiningap anch antu akwau asangera mar matushikena kal. Chawiy komb, tufanyidinap niyetu kusangar anch yom yiyimp yayishiken antu akwau, ap anch antu inay atusadina nayimp.

Chakwel Nzamb atuyukisha, tufanyidin kuyikat antu akwau chikalap nchik chimbu cha mivu yau, muchid wau ap relijon wau. Mutapu ukwau wa usey tufanyidina kuyimekeshin antu akwau rukat udi wa kuyikwash antu adia mu maswir.