Kuyikwash Antu Adia mu Maswir Kuletining Yiyukish

Antu avud adia mu mangand akwet kuswir kwa ukwash wa yakudia ni wa ndond ya kushakam. Pakwez, amwing akwet kwau kuswir kwa ruchingej piur pa machuku ma kurutu. Anch twayikwash antu a mutapu winou, Nzamb ukutuyukish ni tukwikal ni dilau diend.

YOM YILONDINA MIFUND YITUMBILA

“Mwin kumwovil kazwendj riy ukat kumusondjik [Yehova], ni [Yehova] ukez kamuchirishin mulong wa chom chasalay.”​—JINSWIR 19:17.

CHIRUMBURIKINA KUYIKWASH ANTU ADIA MU MASWIR

Yesu wisambina chishimu chimwing piur pa muntu umwing wakwatau kudi ij, awiy amubula amusha ukat kulengumwok. (Luka 10:29-37) Mukariy umwing wading usutina wimana, wamusend kupwa wamupan many pa yitat. Ndiy wasala mwamu ap anch wading wa muchid windjing.

Muntu winou muwamp kamwokap ching kusu pinapa ap kamukwashap ching nich yom ya ku mujimbu, pakwez wamwongoja kand mulong wa yom yiyimp yamushikena.

Yom ik twilejidina kusutil ku chishimu chinech? Yesu wamekesha patok anch tufanyidin kusal usu wetu wawonsu mulong wa kuyikwash antu aswirikedina ukwash. (Jinswir 14:31) Mifund Yitumbila yitulejin anch mu machuku ma kurutu Nzamb ukupwish kamu uzwendj ni mar. Pamwing ap tukutwish kwiyipul anch chisu ik ni mutapu ik ukutwishay Nzamb kusal mwamu? Mutu wa mulong ulondwilaku ou ukwisambin piur pa yiyukish yikulamidinay Sakatang wey wa rukat.