Dandamen Kuchingel Nich Kujijaman

Ov, mivu yinch wachingedina kal kwez kwa Want wa Nzamb? Wajijamedin kal nich kushimpish muchim chikalap nchik yakamish? (Ro 8:25) In Kristu amwing arishin ni rukis, kuyisadin nayimp, kuyitek mu rukan ap kand kuyifunyin kuyijip. Akwau akat kurish ni yakamish mudi mayej madandamedina ap upal.

Yom ik yikutukwasha kuchingel nich kushimpish muchim piturishina ni mar minam? Tufanyidin kudandamen kukasikesh ritiy retu mu kutang Bibil dichuku diawonsu ni kutongijokin chikurukina pa yom tutangina. Tufanyidin kushinshikin pa ruchingej retu. (2Ko 4:16-18; Heb 12:2) Tufanyidin kumwilembin Yehova mu malembil ni kumwit usu wa spiritu wend utumbila. (Lk 11:10, 13; Heb 5:7) Tatukwetu wa rukat ukutwish kutukwash ‘kujijaman nich kushimpish muchim ni musangar.’​—Kol 1:11.

TAL VIDEO ULONDINA ANCH TUFANYIDIN “KUBAMBIL NICH KUJIJAMAN”–IKAL NICH KASHINSH ANCH UKUTAMBUL DIFUT, NI KUPWA AKUL KU YIPUL YILONDWILAKU EY:

• 

  ‘Yinship ik yakad kuchingejin’ yikutwisha kushiken mu mwom? (Mul 9:11)

• 

  Mutapu ik ukata malembil kutukwash chisu turishina ni mar?

• 

  Anch tukutwishap kand kusal yom yivud mu mudimu wa Yehova mudi mutwasalang pakur, mulong wak tufanyidin kushinshikin pa yom tukutwisha kusal?

• 

  Yom ik yikata kukukwash kulam kashinsh anch ukutambul difut?