En ansand​—Ikalany ‘ni Mushiku wa Kusal Yom Yiwamp’

Mu mukand wend wapepilau wamufundinay Titus, kambuy Paul wafunda anch ansand, kuwejaku ni Titus, afanyidin kusal usu wa kwikal ‘chilakej mu kusal yom yiwamp mu mitapu yawonsu.’ (Tt 2:6, 7) Kupwa mu shapitre umwing winou, walejana anch antu a Yehova adi zwang chakwel ikala ni “mushiku wa kusal yom yiwamp.” (Tt 2:14) Pakach pa yom yiwamp yiney padi kulejan ni kufundish piur pa Want wa Nzamb. Anch udi ansand, ov, ukutwish kusadin usu wey wa usand mulong wa kusal mudi chibol nkwash ap chibol wa rawonsu?​—Jnsw 20:29.

Anch ukatin kusal uchibol, rijek program muwamp chakwel utwisha kusal mwamu. (Lk 14:28-30) Chilakej, kwisu ukutwisha kuman nfalang ja kwikwash nich piusadina mudimu wa chisu chawonsu? Mutapu ik ukutwisha kuwanyish asaa ayitinau ayibol? Mwita Yehova akukwasha. (Kus 37:5) Isamba nau anvajey ni antu akwau atwishina kusal uchibol piur pa yom utongina kusal. Kupwa kwat chad mipak mulong wa kuwanyish rutong rey. Yehova ukuyukish chakin kamu usu wey wa mushiku mu mudimu wend!

TAL VIDEO ULONDINA ANCH DES JEUNES QUI HONORENT JÉHOVAH, NI KUPWA AKUL KU YIPUL YILONDWILAKU EY:

• Yikokujol ik yapandakenau antu amwing mulong wa kusal mudi ayibol, ni mutapu ik wasadilau mwamu?

• Mutapu ik ukutwishau anvaj kuyikwash anau kwikal ayibol a rawonsu?

• Mulong wak kwikal ni program wa kusal mudimu wa kulejan udi wa usey?

• Mutapu ik ukutwishau antu a mu chikumangen kuyikasikesh ni kuyikwash ayibol?

• Yiyukish ik yikwetingau ayibol?