Kulimunin Kuvul kwa Asaa Ayitinau Ayibol

¹ Tubazidin etu awonsu mudimu ukash usadilingau ayibol a rawonsu ni ayibol ankwash mu chikumangen. Ap ndond kudinga teritwar mukemp ni wendidilau chisu chawonsu, ayibol apanining chilikej chiwamp cha mushiku mu mudimu wa Want. Akat kukasikeshang antwarubil awonsu kudandamen kusal usu wa kukimb antu “itenchikidina kupand.”​—⁠Midimu 13:⁠48.

² Sosait ujingunin anch ayibol akweting matat mavud pichuku pichuku, nakash kamu mulong wa kuman mudimu wakad kujingish muten uyikwashina kudimukin nawamp nswir jau ni kushal mu mudimu wa chisu chawonsu. Chikwau kand, mwi ngand jivud, mulong wa mwikadil wa katat mukash wa mutapu wa kuman nfalang, chiyikasikedin antwarubil akwau kwinungin ku mudimu wa uchibol, ap anch asotin nakash kuusal. Angond a kwinyim ay, ashinshikidin nakash milong yiney ni yikwau kand.

³ Chawiy lel, Sosait wakepish kal kuvul kwa asaa a ayibol a rawonsu ni ayibol ankwash. Kudiosh kamu mu muvu 1999, ayibol a rawonsu afanyidin kushiken asaa 70, ngond ni ngond, ap asaa 840 ku muvu. Ayibol ankwash afanyidin kushiken asaa 50 kwi ngond. Kuvul kwa asaa a ayibol a pakampwil ni kwa amishoner kukarumukinap bwat, mulong yitenchik ya Sosait yiyitwishishin kudimukin nswir jau ja dishin. Mwi njil yiney akutwish kushindamen nakash pa mudimu wa kulejan ni wa kusal in kwilej.

⁴ Tuchingejin anch kulimunin kwinoku kwa kuvul kwa asaa kukuyikwash ayibol avud kujijaman mu dilau diawu dia mudimu dipandikena kuwap. Chinech chifanyidin kand kuyinkish antwarubil avud chisu cha kwikal ayibol ankwash ap ayibol a rawonsu. Chikwikal chiyukish mud ik ku muntu ni muntu mu chikumangen!