YOM YA USEY YIDIA MU DIZU DIA NZAMB | KUBUDIK 31-32

Kangal Kwifukwil Akish

32:1, 4-6, 9, 10

Chimeken anch in Isarel imburija chitongijok cha kwifukwil akish kudi in Idjibit. Nlel unou difukwil dia akish dikutwish kwikal mu mitapu kushalijan, ni mitapu yimwing yikutwish kukasikan nakash pa kuyijingunin. Ap anch tukutwishap kamu kwifukwil akish amekena ku mes, pakwez tukutwish kwifukwil akish anch twalikidin maku mayimp chakwel matukangesh kumwifukwil Yehova ni muchim wawonsu.

Yipich: Antu a mu dijuku dimwing ayang kal mu midimu kushalijan. 1. Tatuku ukat kusal asaa a pa mutu ku mudimu wend wa kufet mabay. 2. Mwan ukat kusengan masengan ma video. 3. Maku ukat kuland yom yivud mu magaze.

Yom ik nikata kusal pichuku pichuku yikutwisha kwinkangesh kumwifukwil Yehova nich muchim wam wawonsu, ni yom ik nikutwisha kusal chakwel kangal yinshiken?