Lam Baa Urund Wey ni Yehova

Atuman a Yehova akwet dilau dia pakampwil. Mulong tudi in Kristu ipanina kal ni abatishinau kal, muntu ni muntu pakach petu udandamedin kukudish urund wa piswimp nakash ni Mukaleng Mwant Yehova. Utusejishin piswimp ni ndiy kusutil mwanend. (Yh 6:44) Ukat kuta matu ku malembil metu.—Kus 34:15.

Mutapu ik tukutwisha kuchidij urund wetu wa usey nakash tukweta ni Nzamb? Chom chimwing tukutwisha kusal, tufanyidin kwipuk kusal yom yiyimp mudi yasalau in Isarel. Chisu chikemp kupwa kwa kuswik manswik ma urund wa pakampwil ni Yehova, asala musamb a ngomb wa utad wa or ni asambisha kumwifukwil. (Kub 32:7, 8; 1Ko 10:7, 11, 14) Tufanyidin kwiyipul anch: ‘Mutapu ik nikata kusalang anch ampak mulong wa kusal yom yiyimp? Ov, yisal yam yikat kumekesh anch nikwatin nich usey urund wam ni Yehova?’ Anch tumukatin nakash Tatukwetu udia mwiur, rukat riner rikutukangesh kusal yom yikisinay.—Kus 97:10.

TAL VIDEO LAM NAWAMP URUND WEY NI YEHOVA (KOL 3:5), NI KUPWA AKUL KU YIPUL YILONDWILAKU EY:

• Ris chom ik?

• Mulong wak tufanyidin kwipuk ris ni kwifukwil akish?

• Masandj ni kwifukwil akish yikwatijadin mutapu ik?

• Mulong wak pakampwil antu akweta yisend mu dirijek afanyidin kuwanyish maswir ma ambay nau a uruw?