MASHAKAMIN MA MWIN KRISTU
En Ansand—Ambambany Nawamp nau Anvajen
Mulong wak ufanyidin kuyilej anvajey yitongijok yey pakad kujindjik? (Jnsw 23:26) Mulong Yehova wayinkisha chisend cha kukubangin ni kukutakel. (Kus 127:3, 4) Chikuyikasiken kukukwash anch wibangin amwiney ni wayijindjikin yom yimwing. Chikwau kand, ukwikalap nich ronganyin ra yom yamenau kal mu mwom wau. Ov, chiyipin kuyijindjikin yom yimwing? Nakash bwat—pakwez kangal wayilej yom ya makasu.—Jnsw 3:32.
Mutapu ik ukutwisha kwambamb nau anvajey? Kimb chisu chiwamp mulong wa kwambamb nau. Anch chikukasikedin kusal mwamu, ukutwish kumufundin nvaj umwing mukand mulong wa kumulej yitongijok yey. Chikwikal nchik anch asotin kwambamb ney piur pa yom yiukisina ey? Vurik anch akatin kukukwash. Yimana anvajey mud arund ney, kadap mud akankuny ney. Usu usadina mulong wa kwambamb nau anvajey ukukukwash mu mwom wey wawonsu—mwom wa chikupu ni chikupu!—Jnsw 4:10-12.
TAL VIDEO USAND WAM—MUTAU IK NIKUTWISHA KWAMBAMB NAU ANVAJAM? NI KUPWA AKUL KU YIPUL YILONDWILAKU EY:
Esther ni Partik ajingunina yom ik piur pau?
Yom ik ukutwisha kwilejin ku chilakej cha Yesu?
Mutapu ik umekeshinau anvajey anch akubangidin?
Anvajey akatin anch wikala ni mwom uwamp
Mbil ik ja Bibil jikutwisha kukukash kwambamb nawamp nau anvajey?