MASHAKAMIN MA MWIN KRISTU
Yehova Ukat Kutukwash Kujijamen Yakamish Yetu
Mu machuku minam mansudiel, turishin ni yakamish yikash yivud. Yisu yimwing tukutwish kwiyov anch yakamish yatupandaken kal ni tukutwishap kujijaman. Pakwez, anch twadandamen kumusejin Yehova piswimp, ukutukwash kujijamen ap yakamish yikash nakash. (Is 43:2, 4) Mutapu ik tukutwisha kumusejin Yehova piswimp chisu turishina ni yakamish?
Malembil. Anch twamwazuril Yehova muchim wetu, ukat kutwinkish chisambu ni usu wa kujijaman.—Fl 4:6, 7; 1Tes 5:17.
Yikumangan. Chinech chawiy chisu tukweta kuswir nakash kwa yakudia ya muspiritu ni urund ukatay kutwinkish Yehova ku yikumangan yetu. (Heb 10:24, 25) Anch twarijek yikumangan, twakumangan, ni kwakul ku yikumangan, tukat kutaninamu chipandakena mu ukwash wa spiritu wa Yehova.—Kuj 2:29.
Mudimu wa kulejan. Chikutuswapel kushinshikin pa yom yiwamp anch twikasikesh kulam mushiku wetu mu mudimu wa kulejan. Tukukasikesh kand urund wetu ni Yehova nau ambay netu a mudimu.—1Ko 3:5-10.
TAL VIDEO YEHOVA UKUKULAM, KUPWA AKUL YIPUL EY:
Yom ik yamukwasha Malu kushal piswimp ni Yehova pading parishinay ni yakamish?
Mud Malu, mazu madia mu Kuseng 34:19 makutwish nchik kutwongoj chisu turishina ni yakamish?
Yom yamushikena Malu yimekeshin mutapu ik anch Yehova ukat kutwinkish “ukash upandakena ukash wawonsu” chisu turishina ni yakamish?—2Ko 4:7