BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • w24 Kalol p. 19
  • Yipul ya in Kutang

Kwikil video ukimbina

Video winou umukimbinap amboku nawamp.

  • Yipul ya in Kutang
  • Chinong cha Kalam Chilejen Want wa Yehova (Cha Kwilej)—2024
  • Yom Yifanakena
  • Antu a Yehova Akwet Mushiku Mulong wa Difukwil Diakin
    Mudimu ni Mashakamin ma in Kristu—Mukand Wa Chikumangan (2016)
  • “Itudishina Akez Kaswan Ngand”
    Chinong cha Kalam Chilejen Want wa Yehova (Cha antu awonsu)—2018
  • Ov, Yehova Ukwet Yovil?
    Chinong cha Kalam Chilejen Want wa Yehova—2011
  • Yesu Kristu Usu wa Rusangu Rend
    Chinong cha Kalam Chilejen Want wa Yehova—2010
Tal Yom Yivud
Chinong cha Kalam Chilejen Want wa Yehova (Cha Kwilej)—2024
w24 Kalol p. 19

Yipul ya in Kutang

Ov, mazu malondina anch “tulama,” mada mu Kuseng 12:7, mayitadin antu “azengodilau” (verse wa 5) anch misambidin piur pa ‘mazu ma Yehova’ (verse wa 6)?

Yom yisambidinau mu maverse minam yimekeshin anch yiyitadin antu.

Mu Kuseng 12:1-4, tutangin anch ‘kwikil kand antu ashinshamena pakach pa an a antu.’ Kupwa, mu Kuseng 12:5-7, ulondin anch:

“‘Chawiy chalonday [Yehova]: ‘Mulong wa kuzengol kwa ayiman a mar,

ni kudil kwa antany,

ni kutumbuk katat,

‘nikayinkish dipandish dikata kusotau.’

Mazu ma [Yehova] mad zwang;

mad mud utad wa argent usayishilau ku kasu tupamp sambwad.

Tulama ni kutukamunin chikupu, A [Yehova];

tulama ku dijuku dined ku mivu yawonsu.’

Verse wa 5 ulejen yom yilondinay Nzamb piur pa antu azengodilau. Ndiy ukuyipandish.

Verse wa 6 uwejidinaku anch ‘mazu ma [Yehova] mad zwang,’ mad mud ‘utad wa argent wasayishangau kal ku kasu.’ Chinech chimekeshin mutapu ukatau in Kristu kwiyov piur pa dizu da Yehova.​—Ks. 18:30; 119:140.

Katat shinshikin verse ulondwilaku, Kuseng 12:7 ulondin anch: ‘A! Yehova, tulama ni kutukamunin chikupu kud antu ayimp inay.’ Verse winou ulondin piur pa anany?

Mulong verse wa 7 wezin kupwa kwa ‘mazu ma [Yehova],’ antu amwing akutwish kutong anch, mazu minam mamekeshin yom yilondinay Nzamb. Twij anch Nzamb wachidijin kal Bibil chikalap nchik usu wasadinau kal antu mulong wa kumukangesh kupalangan ni kumushesh.​—Is. 40:8; 1 Pi. 1:25.

Pakwez, chid kand chakin anch Yehova ukat kuyilam antu alejenau mu verse wa 5. Yehova wayikwashin kal ni kuyichidij antu “azengodilau” ni “ayiman a mar” ni ukudandamen kusal mwamu Yobu 36:15; Ks. 6:4; 31:1, 2; 54:7; 145:20.

Chawiy, mwamu yom yilondinau mu verse wa 7 yiyitadin anany?

Yom yida mu Kuseng winou yimekeshin anch yiyitadin antu.

Kwinsambishin kwa Kuseng 12, David ulondin piur pa atushalapol ashinshamena a Yehova adimbau kud antu ayimp. Chikwau kand, tutangin anch Yehova ukuyirishikish awiy akata kulond yom yiyimp yiney. Kuseng winou utwinkishin kashinsh anch, Nzamb ukuyipandish atushalapol end mulong mazu mend mad ma zwang.

Chawiy chilondidinau mu verse wa 7 anch Yehova ukuyilam ni kuyikamunin, charumburik anch, antu azengodilau kud antu ayimp.

Mutapu winou wa kulond ausadidin mu makopi ma Mifund ya Hebereu ya kuchingejin. Dikarumun da Grek da Septuagint disadidin “etu” tupamp twaad mu verse wa 7, chawiy chimeken kamu anch mayitadin atushalapol ashinshamena azengodilau ni amena mar. Kupwa, verse wa 7 ulondin anch atushalapol awonsu ashinshamena akuyichidij ku “antu ayimp inay,” charumburik anch antu akasikeshina yom yiyimp. (Ks. 12:7, 8) Mu dikarumun da Mifund ya Hebereu mu dizu da Aram verse wa 7 ulondin anch: “Ey, A NSALEJETU, ukuking antu atentamina, ukuyilam chikupu kud antu ayimp a chirung chinech. Antu ayimp ayil ku mitambu yawonsu, mud izambu upwitina mash ma an a antu.” Chinech chiletin uman ukwau utwinkishina kashinsh anch Kuseng 12:7 kisambidinap mazu ma Nzamb.

Chawiy, verse winou upanin ruchingej kud antu ashinshamena” anch a kuyikwash kud Nzamb.

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan