Tongijokin Kand pa Manans Majim

Ov, chakukasikedinap kal kuvurik yom wileja kal? Yikat kutushiken etu awonsu yisu yimwing. Yom ik yikutwisha kukukwash? Tongijokin kand pa manans majim.

Chisu wilejina, pakish kwiman ni kutongijokin pa manans ma usey. Tal mutapu wayikwashau antu amwing kud kambuy Paul payilejay mu mukand wend anch: ‘Katat ech chawiy chom chijim.’ (Heb. 8:1) Kusutin mazu minam, wayikwasha kutesh nawamp yom yading yiyilejinay, ni mutapu wading ukwatijadina yom yawonsu yalonday.

Kwinsuden kwa dilejan dey, ukutwish kwishil chisu, pamwing ap aminit dikum mulong wa kutongijokin pa manans majim ma yom wileja kal. Anch utwishinap kumavurik, shinshikin kand tumitu twa milong ap kutang mufund wa kusambish wa paragraf win mwawonsu chakwel utwish kuvurik. Anch wilej chom chisu, ikasikesha kuchirumburil mu mazu mey. Anch watongijokin kand pa manans majim, chikukuswapel kuvurik yom wileja kal. Chikukukwash kand kuman mutapu ukutwisha kuyisadin mu mwom wey.