Sadin Bibil mud Dikalash

Mwin kwilej Yakobu wafanakesha Bibil ni dikalash dikata kutukwash kwiman chituda kamu chakin. (Jak. 1:22-25) Mutapu ik tukutwisha kusadin Bibil mud dikalalsh?

Mutanga nawamp. Anch twital mau mau mu dikalash, tukutwishap kamu kuman chom anch chiyipin. Tukwet kuswir kwa kwishinshikin kamu nawamp mulong wa kuman untu wetu, tukutwish kusal kand mwamu kusutin kutang dizu da Nzamb.

Shinshikin nakash pa amwiney kadap pa antu akwau. Anch twatadish dikalash pa mbet dikumekesh ulim wa antu akwau. Chisik chimwing kand, tukutwish kutang Bibil ni kuman ulim wa antu akwau. Pakwez kusal mwamu kukutukwashap kamu kuswimp.

Ikal wisikena. Anch twital pa dikalash ni twimen kwetu ching pa ulim, tukutwish kuziy. Tufanyidin kwikal isikena chisu tutangina Dizu da Nzamb kusutin kwiman mud mutumenau kud Yehova.​—Jak. 3:17.